საქართველოს შინაგან საქმეთა მინისტრის ვახტანგ გომელაურის თქმით, შოვში სტიქიის ღამით ვერტმფრენებით შესვლის საჭიროება არ იყო.

მისი თქმით, შსს-ს აქვს ღამით ფრენის საშუალებები, თუმცა ვერტმფრენისთვის მთა-გორიან რელიეფზე ღამით ფრენა სარისკოა და მხოლოდ მაშინაა გონივრული ასე გარისკვა, თუ ადამიანის სიცოცხლეს ემუქრება საფრთხე.

გომელაურმა განაცხადა, რომ ღამით ერთ-ერთ ფერდობზე დარჩენილი ადამიანები უსაფრთხო ადგილას, მაშველებთან ერთად იყვნენ და "არ იყო საჭირო რომ გაერისკათ პილოტებს. შეიძლება, ვერტმფრენები ჩამოვარდნილიყო."

მისი თქმით, "როცა [მოქალაქეები] უსაფრთხოდ არიან მთაზე სადღაც, სადაც არ შეიძლება მეწყერი მოხდეს ან მდინარე ადიდდეს ნუ რატომ უნდა გარისკოს ხომ [პილოტმა]?"

შს მინისტრმა ასევე განაცხადა, რომ იმ პირობებში, როცა გათენებისას იყო შესაძლებელი დარჩენილი მოსახლეობის გამოყვანა, ღამით ვერტმფრენით შესვლა არ იქნებოდა მიზანშეწონილი.

"რაც შეეხება, რატომ არ დაფრინავდნენ ღამით, ამაზე ასჯერ მაქვს ახსნილი, ვინც ერკვევა ავიაციაში ყველას კარგად ესმის. გვაქვს ჩვენ ღამის ფრენის საშუალებები, შეძენილი გვაქვს, შეგვიძლია ვიფრინოთ, მაგრამ არის ძალიან დიდი რისკი, ასე ვთქვათ, და თუ მართლა ადამიანის სიცოცხლეს არ ემუქრება რამე რომ გარისკოს პილოტმა, არ არის მიზანშეწონილი და დაშვებული, არ შეიძლება, რომ უბრალოდ, რომ შეიძლება დილით, 3 საათში გამოვიყვანოთ ადამიანები გავრისკოთ და ვერტმფრენი ან პილოტები დავღუპოთ" - განაცხადა შს მინისტრმა. 

შეგახსენებთ, რაჭაში მეწყერი 3 აგვისტოს ჩამოწვა. ამ დროისთვის დადასტურებული მონაცემებით, შოვის სტიქიას 24 ადამიანი ემსხვერპლა. 9 ადამიანი კი კვლავ დაკარგულად მიიჩნევა. დაკარგულებსა და დაღუპულებს შორის არიან ბავშვები. სტიქიის ზონიდან, ჯამში 210 ადამიანია ევაკუირებული.
მომხდართან დაკავშირებით გამოძიება სისხლის სამართლის კოდექსის ორი მუხლითაა დაწყებული. 

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს