2023-08-10 15:12:00, 1200 ნახვა
მსოფლიო
პოლონეთი ბელარუსის საზღვართან 10 000 ჯარისკაცის განთავსებას გეგმავს
პოლონეთი ბელარუსის საზღვართან 10 000 ჯარისკაცის განთავსებას გეგმავს. აღნიშნული ინფორმაცია ქვეყნის თავდაცვის მინისტრმა, მარიუშ ბლაშჩაკმა პოლონეთის ეროვნულ რადიოსთან მიცემულ ინტერვიუში დაადასტურა.
როგორც თავდაცვის მინისტრი აღნიშნავს, 4 000 სამხედრო მესაზღვრეებს აღმოუჩენს მხარდაჭერას, 6 000 კი, რეზერვში დარჩება.
მისივე თქმით, ბელარუსის ძალების ბოლოდროინდელი მოქმედებები არის მორიგი პროვოკაცია, რომელიც რუსეთის ინტერესებთან თანხვედრაშია.
"ჩვენ ჯარს მივუახლოებთ ბელარუსის საზღვარს, რათა აგრესორი შეშინდეს და ვერ გაბედოს ჩვენზე თავდასხმა", - განაცხადა მარიუშ ბლაშჩაკმა.
ავტორი: ექსპრესნიუსი,
epn.ge (@expressnews.ge)
