2023-08-10 09:59:25, 967 ნახვა
მსოფლიო
მოსკოვის მერის განცხადებით, რუსეთის საჰაერო თავდაცვამ 2 უპილოტო საფრენი აპარატი ჩამოაგდო
მოსკოვის მერი სერგეი სობიანინი აცხადებს, რომ რუსეთის საჰაერო თავდაცვის ძალებმა ჩამოაგდო 2 უპილოტო საფრენი აპარატი, რომლებიც დედაქალაქისკენ მიფრინავდა.
მერმა აღნიშნული ინფორმაცია სოციალურ ქსელში გაავრცელა.
"დაახლოებით, 04:00 საათზე, საზენიტო თავდაცვამ ჩამოაგდო 2 უპილოტო საფრენი აპარატი, რომლებიც დედაქალაქისკენ მიფრინავდა. ერთი დრონი კალუგის ოლქში, ხოლო მეორე ოდინცოვოს რაიონის ტერიტორიაზე ჩამოაგდეს",- დაწერა სობიანინმა Telegram-ზე.
ცნობისთვის, მოსკოვის მერმა დედაქალაქის მახლობლად ორი საბრძოლო დრონის ჩამოგდების შესახებ ინფორმაცია გუშინ, 9 აგვისტოსაც გაავრცელა. როგორც სერგეი სობიანინმა სოციალურ ქსელში დაწერა, საჰაერო თავდაცვის მიერ ერთი დრონის ჩამოგდება დომოდედოვოს მახლობლად, ხოლო მეორის მინსკის გზატკეცილთან მოხდა.
ავტორი: ექსპრესნიუსი,
epn.ge (@expressnews.ge)
