რუსეთის დედაქალაქ მოსკოვზე დრონებით თავდასხმა განხორციელდა. თავდასხმას მსხვერპლი არ მოჰყოლია.

უკრაინული მედია Telegram-არხებზე დაყრდნობით იტყობინება, რომ შეტევისას თავდაცვის სამინისტროს მახლობლად მდებარე შენობა დაზიანდა, ერთი დრონი კი, ლიხაჩოვის ქუჩაზე, ბიზნესცენტრში ჩამოვარდა. 

იერიშის შესახებ ინფორმაცია დაადასტურა რუსეთის ფედერაციის თავდაცვის სამინისტრომაც.

"24 ივლისის დილას იყო კიევის რეჟიმის მცდელობა, განეხორციელებინა ტერორისტული თავდასხმა ორი უპილოტო საფრენი აპარატით ქალაქ მოსკოვის ობიექტებზე. უპილოტო საფრენი აპარატები ჩამოვაგდეთ",- აცხადებენ უწყებაში.

მოსკოვის მერის, სერგეი სობიანინის თქმით, იერიშს "სერიოზული ზიანი" არ მოჰყოლია.

როგორც "რია ნოვოსტი" წერს, ამ დროისთვის კომსომოლსკისა და ლიხაჩოვის გამზირებზე სატრანსპორტო მოძრაობა შეჩერებულია. ადგილზე FSB-სა და სამაშველო სამსახურის წარმომადგენლები იმყოფებიან.

ავტორი: ექსპრესნიუსი,

სოციალური ქსელები

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა

ტრამპმა ზელენსკი შეაქო: „ის საკმაოდ კარგ საქმეს აკეთებს“.