იმედი მაქვს, რომ ყველაფერი კარგად იქნება და მიხეილ სააკაშვილს გაეწევა შესაბამისი მკურნალობა,- ამის შესახებ ევროკავშირის ელჩმა, პაველ ჰერჩინსკიმ განაცხადა.

ჰერჩინსკის თქმით, პოლონელი ექიმები საქართველოს მესამე პრეზიდენტთან, მიხეილ სააკაშვილთან კლინიკაში "დაუყოვნებლივ და ყოველგვარი გართულებების გარეშე შეუშვეს".

"მე მოხარული ვარ, რომ პოლონელ ექიმებს მიხეილ სააკაშვილის მონახულების საშუალება მიეცათ. ძალიან კარგია, რომ მათ რამდენიმე საათი გაატარეს პაციენტთან და ასევე ჰქონდათ შესაძლებლობა, რომ შეხვედროდნენ კლინიკა „ვივამედის“ წარმომადგენლებს. ამ ყველაფერს დრო დასჭირდა, მაგრამ როგორც კი ექიმები ჩამოვიდნენ საქართველოში, ისინი დაუყოვნებლივ და ყოველგვარი გართულებების გარეშე შეუშვეს კლინიკაში. მე იმედი მაქვს, რომ ყველაფერი კარგად იქნება და მიხეილ სააკაშვილს გაეწევა შესაბამისი მკურნალობა",- განაცხადა ჰერჩინსკიმ.

ცნობისთვის, 14 ივლისს სპეციალურმა პენიტენციურმა სამსახურმა მესამე პრეზიდენტთან, მიხეილ სააკაშვილთან პოლონელი ექიმების ვიზიტთან დაკავშირებით განცხადება და ვიდეოკადრები გაავრცელა. განცხადების თანახმად, ვიზიტის განმავლობაში, ერთ-ერთი პოლონელი ექიმისგან ადგილი ჰქონდა "გაუგებარ ინციდენტს", კერძოდ მსჯავრდებულ მიხეილ სააკაშვილისგან აღებული ნიმუში პოლონელმა ექიმმა გადაახვია ქაღალდში და მის მალულად გატანას ფეხსაცმლის მეშვეობით ცდილობდა.

ავტორი: ექსპრესნიუსი,

სოციალური ქსელები

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ

გაეროს ადამიანის უფლებათა საბჭოში საქართველოზე კრიტიკული ანგარიში მომზადდა

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით