2023-07-01 17:22:46, 1319 ნახვა
მსოფლიო
ესპანეთის პრემიერ-მინისტრი უკრაინა-ნატო-ს საბჭოს შექმნის ინიციატივით გამოდის
კიევში ვიზიტით მყოფი ესპანეთის პრემიერ-მინისტრი პედრო სანჩესი გამოდის ინიციატივით, რომ შეიქმნას უკრაინა-ნატო-ს საბჭო.ამის შესახებ სანჩესმა უკრაინას რადაში სიტყვით გამოსვლის დროს განაცხადა.
ამასთან ერთად, პედრო სანჩესმა უკრაინისთვის 55 მილიონი ევროს დახმარების პაკეტის გამოყოფა გამოაცხადა.
„ჩვენ ვუახლოვდებით ნატო-ს სამიტს, რომელიც ვილნიუსში გაიმართება და იქნება გაგრძელება იმ ვალდებულებების, რომელიც გასულ წელს ავიღეთ მადრიდში. ესპანეთი მხარს უჭერს უკრაინის პოლიტიკურ მონაწილეობას უკრაინა-ნატო-ს საბჭოს შექმნის გზით, სადაც ის აღარ იქნება მოწვეული, არამედ იქნება წევრი, სრულუფლებიანი წევრი“, - განაცხადა სანჩესმა.
ავტორი: ექსპრესნიუსი,
epn.ge (@expressnews.ge)
