ჩვენ გვჭრდება კონკრეტული ჩანაწერის გადახედვა. თუ [ევროკომისია] იზიარებს ვენეციის კომისიის დასკვნას, ჩვენ ამაში დეკემბერში უნდა დავრწმუნდეთ. როცა ევროპული საბჭო განაახლებს საკუთარ ხედვას რეფორმებთან დაკავშირებით, მათ უნდა თქვან, რომ ამ კანონის გარეშეც დეოლიგარქიზაციის თემა მოხსნილია - განაცხადა „ქართული ოცნების“ თავმჯდომარემ ირაკლი კობახიძემ საქართველოს პირველი არხის გადაცემაში „დღის თემა“.

კითხვაზე, რომელიც ეხებოდა საქართველოში ევროკავშირის წარმომადგენლის პაველ ჰერჩინსკის განცხადებას, რომლის თანახმად, ევროკომისია იზიარებს ვენეციის კომისიის დასკვნას, რომ სჯობს სისტემური მიდგომა, ირაკლი კობახიძემ განაცხადა, რომ ეს არ არის საკმარისი.

„ჩვენ არ გვაქვს ხისტი მიდგომა, ბოლომდე ვითვალისწინებთ ევროკომისიის პოზიციას და ვთქვით ასეთი რამ, მოდით ავიღოთ დრო, დეკემბერში ევროკომისია, ევროპული საბჭო იმსჯელებენ ამ თემასთან დაკავშირებით, შესაბამისად, ჩვენ არ ვჩქარობთ ამ კანონის ამოქმედებას. ჩვენ გადავწიეთ კანონის ამოქმედება პირველი მარტისთვის, მომავალი წლის პირველ მარტამდე ეს კანონი არ ამოქმედდება, თუ ევროკომისია და ევროპული საბჭო დაადასტურებენ თანხმობას ვენეციის კომისიასთან და თუ მოხსნიან ამ საკითხს რეფორმების გეგმიდან, თებერვალში, აქვე ვდებთ პირობას, ეს კანონი გაუქმდება. თუ პუნქტი დარჩება უცვლელი, მაშინ კანონი ამოქმედდება. მაშინ გამოდის, რომ სინამდვილეში ევროკომისია და ევროპული საბჭო არ იზიარებენ ვენეციის კომისიის მიდგომას, იმიტომ, რომ დეოლიგარქიზაცია - თვითონ სიტყვაც უკვე ნიშნას პერსონალიზებულ მიდგომას“, - განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა