გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი  სოფლისა და სოფლის მეურნეობის განვითარების ევროპის სამეზობლო პროგრამის მეოთხე ფაზის მესამე ტრანშის (ENPARD, Phase IV, tranche III) მონიტორინგის მისიის წევრებს შეხვდა.

სოფლის მეურნეობის სამინისტროს ცნობით, შეხვედრაზე მხარეებმა პროგრამის ფარგლებში ნაკისრი ვალდებულებების შესრულების მდგომარეობა განიხილეს.

"ნინო თანდილაშვილმა მადლობა გადაუხადა ევროკავშირს საქართველოში როგორც სოფლისა და სოფლის მეურნეობის განვითარების, ასევე, გარემოსდაცვითი მიმართულების მუდმივი მხარდაჭერისთვის და ყურადღება ქვეყნის ევროინტეგრაციის პროცესში სამეზობლო პროგრამის (ENPARD) განსაკუთრებულ როლსა და მნიშვნელობაზე გაამახვილა.

შეხვედრაზე საუბარი შეეხო სურსათის უვნებლობის და სასურსათო უსაფრთხოების, ადგილობრივი განვითარების ჯგუფების (LAGs) ევროპული LEADER მიდგომით ფუნქციონირების მდგრადობის უზრუნველყოფის, ნარჩენების მდგრადი მართვის, ლაბორატორიული შესაძლებლობების განვითარების, სამელიორაციო სისტემების გაუმჯობესების და სოფლის მეურნეობაში ქალთა ჩართულობის მნიშვნელობის საკითხებს.

აღსანიშნავია, რომ, ვიზიტის ფარგლებში, მონიტორინგის მისიის წარმომადგენლები,  ვალდებულებების შესრულების დეტალური ინფორმაციის გასაცნობად, შეხვედრებს მეოთხე ტრანშის ფარგლებში აღებულ ვალდებულებებზე პასუხიმგებელი სააგენტოების წარმომადგენლებთან გამართავენ",- ნათქვამია უწყების ინფორმაციაში.

ავტორი: NS (სტატია დაფინანსებულია),

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა