ჩვენ ვიცით, რომ უკრაინის კონფლიქტისადმი სომხეთის მიდგომაში არსებობს გარკვეული ნიუანსი, - ასე გამოეხმაურა რუსეთის ფედერაციის პრეზიდენტის პრესმდივანი დიმიტრი პესკოვი სომხეთის პრემიერ-მინისტრის, ნიკოლ ფაშინიანის განცხადებას, რომლის თანახმადაც, სომხეთი უკრაინასთან ომში რუსეთის მოკავშირე არ არის.

როგორც პესკოვმა აღნიშნა, მოსკოვი ერევანთან სამოკავშირეო ურთიერთობების განვითარებას უპირობოდ აგრძელებს.

„ეს მნიშვნელოვანი განცხადებაა. ჩვენ ვიცით, რომ უკრაინის კონფლიქტისადმი სომხეთის მიდგომაში არსებობს გარკვეული ნიუანსი, ჩვენ მათ ვითვალისწინებთ, ჩვენ ისინი ვიცით.

მოსკოვი ერევანთან სამოკავშირეო ურთიერთობების განვითარებას უპირობოდ აგრძელებს“, - განაცხადა პესკოვმა.

შეგახსენებთ, სომხეთის პრემიერ-მინისტრმა, ნიკოლ ფაშინიანმა CNN-თან საუბრისას განაცხადა, რომ სომხეთი უკრაინასთან ომში რუსეთის მოკავშირე არ არის და აღნიშნა, რომ უკრაინაში მიმდინარე ომი სომხეთის ურთიერთობაზე მოქმედებს.

ავტორი: ექსპრესნიუსი,

სოციალური ქსელები

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს