უკრაინის საჰაერო თავდაცვის ძალებმა წუხელ რუსული ძალების მიერ გაშვებული 35-ვე Shahed-ის დრონი ჩამოაგდო. აღნიშნულის შესახებ ინფორმაციას უკრაინის გენშტაბი ავრცელებს.

გენშტაბის ცნობით, შეტევა ჩრდილოეთის მიმართულებიდან - სეშჩას აეროდრომიდან (რუსეთის ფედერაციის ბრიანსკის ოლქი) განხორციელდა.

"ღამით მტერი კვლავ შეუტია უკრაინის ტერიტორიას ირანული უპილოტო საფრენი აპარატების, Shahed 136/131-ის გამოყენებით. ჩვენმა დამცველებმა 35 დრონიდან 35 გაანადგურეს.

ტერორის ტაქტიკის გაგრძელებით, გასული დღის განმავლობაში რუსეთის ფედერაციამ 16 სარაკეტო დარტყმა განახორციელა, მათ შორის ქალაქ ხარკოვზე, ხერსონზე, ნიკოლაევსა და ოდესზე.

გარდა ამისა, ჩვენს წინააღმდეგ დაფიქსირდა 61 საჰაერო დარტყმა და 52 დაბომბვა სარაკეტო სისტემებიდან. სამწუხაროდ, არის დაღუპული და დაჭრილი მშვიდობიანი მოქალაქეები, დაზიანებულია მრავალსართულიანი შენობა, კერძო სახლები და სხვა სამოქალაქო ინფრასტრუქტურა. ახალი სარაკეტო და საჰაერო თავდასხმების ალბათობა კვლავ მაღალია.

მტრის ძირითადი ძალისხმევა კონცენტრირებულია ლიმანის, ბახმუტის, ავდიევკას და საზღვაო მიმართულებებზე",- აღნიშნულია გენშტაბის ინფორმაციაში.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა