ბატონი პრემიერის გამოსვლა იყო მართლაც ღირსეული ქვეყნის ღირსეული პრემიერ-მინისტრის გამოსვლა,- ასე ეხმაურება "ქართული ოცნების" დეპუტატი ალუდა ღუდუშაური საქართველოს მთავრობის მეთაურის, ირაკლი ღარიბაშვილის ბუდაპეშტში, კონსერვატიული პოლიტიკური მოქმედების ყოველწლიურ კონფერენციაზე (CPAC) სიტყვით გამოსვლას.

როგორც ღუდუშაურმა მედიის წარმომადგენლებთან საუბრისას აღნიშნა, "ვისაც პრემიერ-მინისტრის გამოსვლა ეწყინა, ცივი წყალი დალიოს".

"თურმე, ის, რომ დიახ, დედა დედაა და მამა მამაა, ეს თურმე, არის წახალისება ძალადობის. როგორც გნებავთ ისე ჩათვალეთ, მაგრამ დიახ, დედა ნამდვილად დედა არის და მამა ნამდვილად მამა არის.

ბატონი პრემიერის გამოსვლა იყო მართლაც ღირსეული ქვეყნის ღირსეული პრემიერ-მინისტრის გამოსვლა. ეს ვინმეს ეწყინა, ეტკინა, ზოგმა ცივი წყალი დალიოს, ზოგმა კიდევ თავის თავში იპოვოს სივრცე და ადგილი - არა ბოროტებას, სიკეთე, ერთობა და სიყვარული, ქვეყნის სიძლიერე. რეალურად, ჩვენი ქვეყანა დგას იმ ფუნდამენტალურ ღირებულებაზე, რომელიც არის რწმენაზე, ოჯახის სიწმინდეზე",- განაცხადა ალუდა ღუდუშაურმა.

შეგახსენებთ, საქართველოს პრემიერ-მინისტრმა, ირაკლი ღარიბაშვილმა ბუდაპეშტში, კონსერვატიული პოლიტიკური მოქმედების ყოველწლიურ კონფერენციას (CPAC) სიტყვით დღეს, 4 მაისს მიმართა.

ავტორი: ექსპრესნიუსი,

სოციალური ქსელები

"ივანიშვილი არის დასამხობი" - ამ ფრაზისთვის ახალაიას 2 წლითა და 6 თვით პატიმრობა მიესაჯა

„ჩვენ გვჭირდება შემაკავებელი ორდერი“- ტრამპი მელონის კიდევ ერთხელ დასცინის

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი