შამუგია - საქართველოს მთავრობამ ნარჩენების მართვის ხუთწლიანი ეროვნული სამოქმედო გეგმა მიიღო

2023-04-20 17:35:18, 512 ნახვა

საზოგადოება

ნარჩენების მართვის სფერომ, ბოლო წლების განმავლობაში, მნიშვნელოვანი ცვლილებები განიცადა. ჩამოყალიბდა ევროპულ სტანდარტებთან შესაბამისი მარეგულირებელი კანონმდებლობა, რომელიც სხვადასხვა კატეგორიის ნარჩენის მართვასთან დაკავშირებულ საკითხებს არეგულირებს,- ამის შესახებ გარემოს დაცვისა და სოფლის მეურნეობის მინისტრმა საქართველოს პარლამენტში 2022 წლის ანგარიშის წარდგენის დროს განაცხადა.

როგორც ოთარ შამუგიამ აღნიშნა, 2022 წელს საქართველოს მთავრობამ მიიღო ნარჩენების მართვის ხუთწლიანი (2022-2026 წწ) ეროვნული სამოქმედო გეგმა და ნარჩენების მართვის განახლებული ეროვნული სტრატეგია, რომელიც განსაზღვრავს იმ ძირითად პრიორიტეტებს, რაზეც ქვეყანამ მუშაობა უნდა გააგრძელოს მომდევნო წლების განმავლობაში. პრიორიტეტებად განსაზღვრულია ნარჩენებით გარემოს დაბინძურების პრევენცია, ნარჩენების სეპარირებული შეგროვების სისტემის დანერგვა და შეგროვებული ნარჩენების გადამუშავების ხელშეწყობა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),