ოზურგეთის მუნიცპალიტეტის საკრებულოში სიტყვიერი დაპირისპირებაა მოხდა. ხმაური და დაძაბულობა მას შემდეგ დაიწყო, რაც საკრებულოს ოპოზიციონერმა დეპუტატებმა განაცხადეს, რომ ბიუჯეტის 2/3 ათვისება ვერ მოხერხდა. 

საკრებულოს ოპოზიციის თქმით, მმართველი პოლიტიკური პარტიის წარმომადგენლებს 92%-იანი შესრულება მხოლოდ წარმომადგენლობითი ხარჯების მხრივ აქვს.

"თქვენივე წარმოდგენილი დოკუმენტებიდან ირკვევა, რომ ბიუჯეტის საერთო შესრულება გაქვთ 72%. ეს ნიშნავს იმას, რომ ფაქტობრივად, 2/3 ბიუჯეტის ვერ აითვისეთ. სამაგიეროდ, ხელფასების მიმართულებით წარმომადგენლობითი ხარჯების შესრულება გაქვთ 92%. ბიუჯეტის ფულს ჯიბეში იდებთ და ამ დროს სამუშაოს ვერ ასრულებთ", - განაცხადა ოპოზიციონერმა დეპუტატმა, თათია ნიკოლაშვილმა.

ოზურგეთის მერის პირველი მოადგილის, გიორგი ღურჯუმელიძის თქმით, ბიუჯეტი შესრულდა.

"ექსტრემისტული პოლიტიკური დაჯგუფება ცდილობს, საკრებულოს ყველა სხდომა დესტრუქციით დაიწყოს და არ მოგვცეს თავისუფლად მუშაობის საშუალება. ოზურგეთს გამოუცხადეს ბოიკოტი, ბიუჯეტს გამოუცხადეს ბოიკოტი", - განაცხადა ღურჯუმელიძემ.

აღსანიშნავია, რომ დაპირისპირების შემდეგ, "ნაციონალური მოძრაობის" წარმომადგენლებმა საკრებულოს სხდომა ბოიკოტის ნიშნად დატოვეს.

ავტორი: ექსპრესნიუსი,

სოციალური ქსელები

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა