თბილისის საქალაქო სასამართლოში „პუბლიკას“ დირექტორისა და თანადამფუძნებლის, ზურა ვარდიაშვილისა და „ტაბულას“ ჟურნალისტის, ბექა ჯიქურაშვილის სასამართლო პროცესი მიმდინარეობს.

ზურა ვარდიაშვილის განცხადებით, მოსამართლე გადაწყვეტილებას იმის მიხედვით მიიღებს, რა დირექტივასაც მის მიმართ გასცემენ.

"იმ მომენტში, როდესაც მიმათრევდნენ, დაახლოებით, 10-15 ჟურნალისტი ყვიროდა, რომ ჟურნალისტია, ნუ აკავებთ, მაგრამ იმ მომენტში სირაძემ დაავალა მათ ჩემი დაკავება და ჟურნალისტი კი არა, რომის პაპიც რომ ვყოფილიყავი, დამაკავებდნენ. როგორც დაურეკავენ ჩემს მოსამართლეს და ეტყვიან რა გადაწყვიტოს - დააშინონ სხვა ჟურნალისტები ჩემი დასჯით თუ  პირიქით, ნერვები არ მოუშალონ სხვა ჟურნალისტებს ჩემი დასჯით - აი, მაგის მიხედვით მიიღებს გადაწყვეტილებას", - აცხადებს ზურა ვარდიაშვილი.

"ტაბულას" ჟურნალისტი ბექა ჯიქურაშვილი ბრალდებას აბსურდულს უწოდებს და ამბობს, რომ უდანაშაულობის მტკიცებულებები გააჩნია.

"ვიღებდი ვიდეობს, ვაგზავნიდი რედაქციაში, გვაქვს შესაბამისი მტკიცებულებები. აბსურდულია, ჩემი აზრით, ეს ბრალდებები, რასაც მედავება მოწინააღმდეგე მხარე", - უთხრა "ტვ პირველს" ბექა ჯიქურაშვილმა.

ცნობისთვის, 2 მარტს პარლამენტთან აქციაზე დაკავებულ ჟურნალისტებს შინაგან საქმეთა სამინისტრო წვრილმან ხულიგნობასა და პოლიციის მოთხოვნისადმი დაუმორჩილებლობას ედავება.

ავტორი: ექსპრესნიუსი,

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა