როგორც კი სახალხო დამცველის კონსილიუმი შემოვა და დადებს დასკვნას, მაშინვე საქმე წავა სტრასბურგში,- ამის შესახებ მესამე პრეზიდენტის დედამ, გიული ალასანიამ განაცხადა.

ალასანიას თქმით, პოლონელი ექიმები სააკაშვილის მოსანახულებლად დიდი ხანია მზად არიან, მაგრამ სხვა დეტალები, მისთვის უცნობია.

"იძახიან, რომ იკლებს, ხან იძახიან, რომ იმატებს. თურმე არ ჭამს, მაგრამ იმატებს. ეს როგორ ხდება?! მე ვხედავ, რომ ძალიან ცუდ მდგომარეობაშია ცარიელი ძვალი და ტყავია ადამიანი. ვერ მოძრაობს, არანაირი ძალა აღარ აქვს საერთოდ. ყოველ წუთში შემოდის ექთანი, რაღაც ტაბლეტებს აძლევს და არასოდეს გამიგია, რომ რამეზე უარი ეთქვას. პოლონელ ექიმებთან დაკავშირებით, არანაირი ინფორმაცია არ მაქვს, რადგან ეს ჩემი ინიციატივით არ ყოფილა. ვიცი, რომ ისინი მზად არიან, აქვთ გამზადებული სპეცრეისი, შესაბამისი აღჭურვილობით, რომ საჭირო ანალიზები ჩატარდეს.

როგორც კი სახალხო დამცველის კონსილიუმი შემოვა, ეს ადამიანები, რომლებიც არაერთხელ ყოფილან და კარგად იციან პაციენტის მდგომარეობა, როგორც კი ესენი შემოვლენ და დადებენ თავიანთ დასკვნას, მაშინვე წავა სტრასბურგში",- განაცხადა ალასანიამ.

ცნობისთვის, 28 მარტს სახალხო დამცველმა, ლევან იოსელიანმა განაცხადა, რომ კონსილიუმი საჭიროების არსებობის შემთხვევაში, თავად იღებს გადაწყვეტილებას მსჯავრდებულის მონახულების თაობაზე და ამ პროცესში სახალხო დამცველი არ ერევა. 

მისივე თქმით, სააკაშვილის ჯანმრთელობასთან დაკავშირებით, ყველა მონიტორინგის მექანიზმი შენარჩუნებულია, ამ პროცესს მისი მხირდან არანაირი შეფერხება არ ემუქრება.

ავტორი: ექსპრესნიუსი,

სოციალური ქსელები

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა