შე ნაძირალა, სულგაყიდული მოღალატე კაცი ხარ, - ასე მიმართა საქართველოს პრემიერ-მინისტრმა, ირაკლი ღარიბაშვილმა საკანონმდებლო ორგანოს ტრიბუნიდან ოპოზიციონერ დეპუტატ გუბაზ სანიკიძეს.

როგორც მთავრობის მეთაურმა სხდომაზე, სადაც დღეს მას ინტერპელაციის წესით უსმენდნენ, განაცხადა, სანიკიძე "მილიონზე ოცნებობდა" და ექსპრეზიდენტ მიხეილ სააკაშვილს 100 000 დოლარად მიეყიდა.

"მინდა, შემდეგი რაღაც ვუთხრა გუბაზ სანიკიძეს - ის გამოირჩევა ბევრი უსამაართლო და ღვარძლიანი და ბოროტი გამონათქვამებით. ეს კაცი იყო ერთ დროს ჩვენი გუნდის წევრი. ეს კაცი ოცნებობდა მილიონ დოლარზე და ახლა მე მინდა გითხრათ, ეს კაცი როგორ გაიყიდა, როგორ მიეყიდა სააკაშვილს - 100 000 დოლარად გაყიდულია ეს კაცი. შე ნაძირალა, შე ნაძირალა, შენ ხარ გაყიდული კაცი, შე ნაძირალა კაცო - სულგაყიდული მოღალატე ხარ შენ. გუბაზ სანიკიძისნაირი მოღალატეები და არაკაცები ვეღარასდროს ვერ იქნებიან ამ ქვეყანაში ხელისუფლების წარმომადგენლები. შეეშვით, შეეშვით ამ არაკაცს", - განაცხადა ღარიბაშვილმა.

სანიკიძეს რეპლიკაზე - "როგორ არ გრცხვენია", მთავრობის მეთაურმა ასე უპასუხა:

"შენ როგორ არ გრცხვენია, შე მოღალატე, შენ ხარ ნაძირალა და მოღალატე ადამიანი. შეეშვით, შეეშვით - ეყოფა თავისი უბედურება, ეყოფა თავისი ტრაგედია. გუბაზისნაირ არაკაცებს მინდა ვუთხრა - თქვენნაირი მოღალატე ხალხი ვერ დაბრუნდება ხელისუფლებაში და შენნაირი მოღალატეების ხელისუფლება ჩვენმა ხალხმა დიდი ხანია გაისტუმრა".  

ავტორი: ექსპრესნიუსი,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა