მომდევნო წლის განმავლობაში თურქეთის ხელისუფლება 320 000 საცხოვრებელი კორპუსის აშენებას გეგმავს, - ამის შესახებ თურქეთის პრეზიდენტმა, რეჯეფ თაიფ ერდოღანმა მიწისძვრის შედეგად დაზარალებულ რაიონებში მოგზაურობისას განაცხადა. 

ერდოღანმა ასევე განაცხადა, რომ უახლოეს 2 თვეში ხელისუფლება 100 000 საკონტეინერო სახლის აშენებას აპირებს. მისივე თქმით, კატარი თურქეთს 10 000 საკონტეინერო სახლს გადასცემს, რომელიც ქვეყანამ 2022 წლის მსოფლიო ჩემპიონატისთვის შეიძინა. 

„ჩვენ ვგეგმავთ 244 000 საცხოვრებელი კორპუსის და 75 000 სახლის მშენებლობას. გეგმას ერთ წელიწადში დავასრულებთ“, - განაცხადა მან.

ერდოღანის თქმითვე, მიწისძვრის შედეგად დაზარალებულ რაიონებში ახლა 426 000 კარავია გაშლილი. 

შეგახსენებთ, რომ 6 თებერვალს, თურქეთის სამხრეთ-აღმოსავლეთ ნაწილში, სირიის საზღვართან ახლოს დამანგრეველი - 7.8 მაგნიტუდის სიმძლავრის მიწისძვრა მოხდა. აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე, ქალაქ გაზიანტეპთან დაფიქსირდა. დაზარალდა მეზობელი სირიის სასაზღვრო რეგიონებიც.

გაეროს მონაცემებით , მიწისძვრის შედეგად 600 000-მდე შენობა განადგურდა ან ძლიერ დაზიანდა. დაზარალდა 2,7 მილიონი ადამიანი, დაიღუპა თურქეთისა და სირიის 50 ათასზე მეტი მცხოვრები.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს