მაკრონი - ევროპისკენ მიბრუნებულმა საქართველომ იცის, რომ შეუძლია საფრანგეთის მეგობრობის იმედი ჰქონდეს

2023-03-10 00:53:30, 999 ნახვა

პოლიტიკა

ევროპისკენ მიბრუნებულმა საქართველომ იცის, ჩვენთან მეგობრობის იმედი უნდა ჰქონდეს - წერს სოციალურ ქსელში საფრანგეთის პრეზიდენტი ემანუელ მაკრონი.

"მათ გაიგეს ქართველების მიჯაჭვულობა დემოკრატიული ღირებულებებისადმი, პრესის თავისუფლებისა და გაერთიანების თავისუფლებისადმი. ევროპისკენ მიბრუნებულმა საქართველომ იცის, რომ მას შეუძლია საფრანგეთის მეგობრობის იმედი ჰქონდეს" - განაცხადა ემანუელ მაკრონმა.

შეგახსენებთ, დღეს, 9 მარტს პარლამენტის თავმჯდომარემ, შალვა პაპუაშვილმა "უცხოური აგენტების შესახებ" კანონპროექტი ვენეციის კომისიიდან გამოიწვია. კანონპროექტის გამოთხოვის გადაწყვეტილება „ქართული ოცნების“ პოლიტიკურმა საბჭომ, „ხალხის ძალამ“ და საპარლამენტო უმრავლესობამ მას შემდეგ მიიღო, რაც პარლამენტის შენობასთან არაერთი საპროტესტო აქცია გაიმართა. შინაგან საქმეთა სამინისტრომ 7-8 მარტს გამართულ აქციები წყლის ჭავლის, წიწაკის სპრეისა და ცრემლსადენი გაზის საშუალებით დაშალა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,