ფინეთის პარლამენტმა ქვეყნის ნატო-ში შესვლის შესახებ კანონპროექტს მხარი დაუჭირა

2023-03-01 17:35:20, 1409 ნახვა

მსოფლიო

ფინეთის პარლამენტმა ქვეყნის ნატო-ში შესვლის შესახებ კანონპროექტს მხარი დაუჭირა. ამის შესახებ ინფორმაციას Deutsche Welle ავრცელებს.

ფინელმა კანონმდებლებმა ხელი მოაწერეს შეთანხმებას და მოახდინეს რატიფიცირება ნატო-ში გაწევრიანების საკითხზე.

ჩრდილოატლანტიკურ ალიანსში შესვლის გადაწყვეტილებას 184-მა დეპუტატმა მისცა ხმა, ხოლო 7 წინააღმდეგი იყო.

შეგახსენებთ, ფინეთის პრეზიდენტმა, საული ნიინისტომ განაცხადა, რომ ფინეთის ნატო-ში გაწევრიანების ბედი მხოლოდ თურქეთის ხელშია.

თავის მხრივ თურქეთის პრეზიდენტმა, რეჯეფ თაიფ ერდოღანმა განაცხადა, რომ თურქეთი დადებითად უყურებს ფინეთის განაცხადს ნატო-ში გაწევრიანების შესახებ, თუმცა მხარს არ უჭერს შვედეთის განაცხადს - ”ჩვენ არ გვაქვს პრობლემა ფინეთთან დაკავშირებით, მაგრამ ჩვენ ყოველთვის ხაზს ვუსვამთ, რომ შვედეთმა კონკრეტული ნაბიჯები უნდა გადადგას”, - განაცხადა ერდოღანმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,