ძალიან მნიშვნელოვანია, რომ ეს საპროტესტო ნოტა შეთანხმებული იყო 27 ევროკავშირის ქვეყნის მიერ, ერთობლივი ნოტა ბრიუსელში, ყველა წევრი ქვეყნის მონაწილეობით შედგა, - ამის შესახებ საქართველოში ევროკავშირის წარმომადგენელმა, პაველ ჰერჩინსკმა განაცხადა.

მისივე თქმით, მან და შვედეთის ელჩმა, ულრიკ თიდერსტრომმა იუსტიციის მინისტრს, რატი ბრეგაძეს ევროკავშირის ქვეყნების საპროტესტო ნოტა გადასცეს, ხოლო თავისმხრივ რატი ბრეგაძემ მათ მოახსენა თუ რა ზომებს იღებს ხელისუფლება მიხეილ სააკაშვილის ჯანმრთელობის დასაცავად.

მან დასძინა, რომ მიხეილ სააკაშვილის ჯანმრთელობის გაუარესების გამო ევროკავშირი ღრმად შეშფოთებულია.

"ჩვენ ძალიან შეშფოთებულები ვართ მისი ჯანმრთელობის მდგომარეობის გაუარესების ცნობებით. ძალიან მნიშვნელოვანია, რომ ეს საპროტესტო ნოტა შეთანხმებული იყო 27 ევროკავშირის ქვეყნის მიერ. ერთობლივი ნოტა ბრიუსელში, ყველა წევრი ქვეყნის მონაწილეობით შედგა. ჩვენ ძალიან ღია საუბარი გვქონდა იუსტიციის მინისტრთან. ჩვენ მას წარვუდგინეთ ევროკავშირის 27 ქვეყნის პოზიცია და მან თავის მხრივ, გაგვაცნო თუ რას აკეთებს საქართველოს ხელისუფლება მიხეილ სააკაშვილის უფლებების დასაცავად", - განაცხადა პაველ ჰერჩინსკიმ. 

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.