რუსული კანონის მიღების შემთხვევაში, უარს ვაცხადებთ „უცხოური გავლენის აგენტად” რეგისტრაციაზე, - ამის შესახებ ნათქვამია 60-ზე მეტი მედიაორგანიზაციის მიერ გავრცელებულ ერთობლივ განცხადებაში.

მედიასაშუალებების წარმომადგენლები მიიჩნევენ, რომ კანონის მიზანია, აღარ ისმოდეს კრიტიკული ხმა, მედიამ და საზოგადოებრივმა ორგანიზაციებმა ქვეყანაში არსებული კორუფცია, უსამართლობა და სიღარიბე ვეღარ ასახონ.

"ჩვენ, განცხადებაზე ხელმომწერი მედიაორგანიზაციები, კატეგორიულად ვეწინააღმდეგებით საპარლამენტო უმრავლესობის წევრების მიერ ინიცირებულ რუსულ კანონპროექტებს „უცხოური გავლენის აგენტების” შესახებ.

მიგვაჩნია, რომ ამ კანონის მიზანია, აღარ ისმოდეს კრიტიკული ხმა, მედიამ და საზოგადოებრივმა ორგანიზაციებმა ვეღარ ასახონ ქვეყანაში არსებული კორუფცია, უსამართლობა და სიღარიბე.

ამას ადასტურებს წლების წინ რუსეთში მიღებული ანალოგიური კანონის შედეგები – დაიხურა სამოქალაქო და მედიაორგანიზაციები, ჟურნალისტები კი დევნის მსხვერპლნი გახდნენ.

ამ კანონის მიღება აზიანებს ევროკავშირში გაწევრების პროცესს, რაზეც 24 თებერვლის განცხადებით ევროკავშირის უმაღლესმა წარმომადგენლობამ მკაფიოდ მიუთითა. შესაბამისად, წარდგენილი საკანონმდებლო ცვლილება საქართველოს განვითარებას აფერხებს და დღეს გაჩენილ შესაძლებლობის ფანჯარას ხურავს.

ჩვენ ვემსახურებით საზოგადოებას და გვაღელვებს ჩვენი ქვეყნის მომავალი. არ ვაპირებთ ამ იარლიყით მუშაობას. შესაბამისად, რუსული კანონის მიღების შემთხვევაში, უარს ვაცხადებთ „უცხოური გავლენის აგენტად” რეგისტრაციაზე. ეს შეურაცხყოფს ჩვენს პროფესიულ ღირსებას",- ნათქვამია ერთობლივ განცხადებაში.

განცხადებას ხელს აწერენ:

1. netgazeti.ge
2. პუბლიკა (publika.ge)
3. ინდიგო
4. სტუდია მონიტორი
5. queer.ge
6. dev.ge
7. On.ge
8. ტაბულა
9. სამოქალაქო საქართველო – civil.ge
10. მედიაჩეკერი
11. პროექტი 64
12. Chai Khana media
13. Ufleba.ge
14. გამომძიებელ ჟურნალისტთა გაერთიანება “აი, ფაქტი”
15. მედია ჰოლდინგი კომერსანტი
16. OC Media
17. მედიაპორტალი “კაქტუსი,” cactus-media.ge
18. ჯემნიუსი (jam-news.net)
19. ონლაინ გამოცემა sova.news
20. რეალპოლიტიკა (realpolitika.ge)
21. “მთის ამბები” – mtisambebi.ge
22. საქართველოს ამბები – sakartvelosambebi.ge
23. ჟურნალისტიკის რესურსცენტრი JRC
24. საქართველოს რეგიონულ მაუწყებელთა ალიანსი
25. ქართლის ამბები (qartli.ge)
26. გორის სათემო რადიო მოზაიკა, mozaikanews.ge
27. TV მედიამონიტორინგი
28. “ქართული მედია ჯგუფი” – metalab.ge / feminism.ge
29. დია
30. სათემო რადიო “მარნეული”
31. ქალთა სათემო რადიო
32. ქვემო ქართლის მედია – QvemoQartli.ge
33. ნეო ტვ – neotv.ge
34. მარნეული TV
35. რადიო ბოლნელი
36. სათემო რადიო “ნორი”, ნინოწმინდა, nor.ge
37. ტელეკომპანია “ბორჯომი”, borjomi.tv
38. მეცხრე არხი, ახალციხე
39. სამცხე-ჯავახეთის ჟურნალისტთა კავშირი
40. მედია სახლი – სამხრეთის კარიბჭე sknews.ge
41. ჯავახეთის საინფორმაციო ცენტრი, ახალქალაქი, jnews.ge
42. TOK TV
43. Batumelebi.ge
44. TV 25
45. ტელეკომპანია “მეცხრე ტალღა”, ფოთი
46. რადიო ათინათი
47. კოლხეთი 89
48. ეგრისი TV
49. რადიო ოდიში
50. ჰარმონია
51. კახეთის ხმა, knews.ge
52. საინფორმაციო სააგენტო “სპექტრი”, გურჯაანი, speqtri.ge
53. პანკისის სათემო რადიო
54. თანამგზავრი TV
55. ონლაინ გამოცემა “ქუთაისიპოსტი” kutaisipost.ge
56. რიონი TV
57. იმერვიზია TV
58. მეგა TV
59. TV ზარი
60. რადიო რიონი
61. რადიო ზარი
62. გურია TV
63. მცხეთა-მთიანეთი
64. აგროგარემო TV

შეგახსენებთ, ანტიდასავლურმა მოძრაობამ „ხალხის ძალამ" საქართველოს პარლამენტში „უცხოური გავლენის გამჭვირვალობის შესახებ“ კანონპროექტი დააინიცირა. კანონპროექტის მიხედვით, შეიქმნება უცხოური გავლენის აგენტების რეესტრი, სადაც დარეგისტრირდება ყველა ის არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოური ძალების მიერ ფინანსდება.

ანტიდასავლურმა მოძრაობამ, ოპოზიციური პოლიტიკური სპექტრისა და საზოგადოების კრიტიკის შემდეგ, კანონპროექტის მეორე ვარიანტის ინიცირების გადაწყვეტილებაც მიიღო. ოპოზიცია ორივე ვარიანტს "რუსულ კანონს" უწოდებს, მმართველი პოლიტიკური გუნდი კი, ანტიდასავლური მოძრაობის კანონპროექტის მხარდამჭერია.

ავტორი: ექსპრესნიუსი,

სოციალური ქსელები

საგამოძიებო: ორ სხვადასხვა კორუფციულ საქმეზე ორი პირი დავაკავეთ

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen