აშშ-ს პრეზიდენტმა ჯო ბაიდენმა სიტყვით გამოსვლისას განაცხადა, რომ თუ რუსეთი თავს დაესხმება ნატოს ერთ-ერთ ქვეყანას, ეს განიხილება როგორც თავდასხმა ნატოს მთელ ბლოკზე.

პრეზიდენტის თქმით, პუტინი ფიქრობდა, რომ ცივილიზებული სამყარო დანებდებოდა თუმცა იგი  შეცდა.

"პუტინს სურდა უკრაინის ფინიზაცია, მაგრამ სამაგიეროდ მიიღო ფინეთისა და შვედეთის ნატოიზაცია. მას ეგონა, რომ შეეძლო ნატოს გაყოფა, მაგრამ სამაგიეროდ ნატო ისეთივე ერთიანია, როგორც არასდროს. მალე ნატოს 75 წლის იუბილეს აღვნიშნავთ. შეერთებული შტატები ყოველთვის მკაცრად შეასრულებს ჩრდილო ატლანტიკური ხელშეკრულების მე-5 მუხლით ნაკისრ ვალდებულებებს. რუსეთმა იცის, რომ თუკი ის თავს დაესხმება თუნდაც ერთ ქვეყანას, ეს განიხილება როგორც თავდასხმა ნატოს მთელ ბლოკზე. ჩვენ დავიცავთ ნატოს ტერიტორიის თითოეულ სანტიმეტრს." - განაცხადა ჯო ბაიდენმა.

 ბაიდენმა ვარშავაში გამოსვლა დაასრულა. Coldplay-ის მუსიკაზე მან დაიწყო კომუნიკაცია ადამიანებთან, რომლებიც შეიკრიბნენ მისი გამოსვლის მოსასმენად.

ბაიდენმა ისაუბრა ვარშავაში იმავე დღეს, როდესაც რუსეთის პრეზიდენტი ვლადიმერ პუტინი სიტყვით გამოვიდა ფედერალურ ასამბლეაზე. თავის გამოსვლაში შეერთებული შტატების პრეზიდენტმა არაერთხელ ახსენა პუტინი.

ბაიდენმა, პუტინისგან განსხვავებით, ნახევარ საათზე ნაკლები ისაუბრა.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს