2023-02-16 11:16:51, 838 ნახვა

---

სოლომონ პავლიაშვილმა პარლამენტში ნარჩენების მართვის განახლებული ეროვნული სტრატეგია და ნარჩენების მართვის ეროვნული სამოქმედო გეგმა წარადგინა

გარემოს დაცვისა და ბუნებრივი რესურსების კომიტეტში  საქართველოს   ნარჩენების მართვის განახლებული ეროვნული სტრატეგია და ნარჩენების მართვის ეროვნული სამოქმედო გეგმა განიხილეს. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, გარემოს დაცვისა და ბუნებრივი რესურსების კომიტეტში გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა და ნარჩენებისა და ქიმიური ნივთიერებების მართვის დეპარტამენტის ხელმძღვანელმა, ალვერდ ჩანქსელიანმა საქართველოს ნარჩენების მართვის 2016-2030 წლების განახლებული ეროვნული სტრატეგიისა და ნარჩენების მართვის 2022-2026 წლების ეროვნული სამოქმედო გეგმა წარადგინეს.

"ყურადღება გამახვილდა 2022-2026 წლების ეროვნული სამოქმედო გეგმით გათვალისწინებულ მიზნებზე, რომელიც მოიცავს სახიფათო, პლასტიკის, ინერტული, და სამშენებლო  ნარჩენების მართვის გაუმჯობესებას, ასევე, ბიოდეგრადირებადი ნარჩენების შეგროვება-დამუშავებას. 
აღსანიშნავია, რომ ნარჩენების მართვის სტრატეგია ხელს შეუწყობს ევროკავშირის მოთხოვნებისა და საერთაშორისო კონვენციების შესაბამისი ნარჩენების მართვის კანონმდებლობის შემუშავებას და აღსრულებას",- აღნიშნულია ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი