პაკისტანში, მეჩეთში აფეთქების შედეგად დაღუპულთა რიცხვი 87-მდე გაიზარდა

2023-01-31 11:38:23, 1222 ნახვა

მსოფლიო

პაკისტანში, ქალაქ ფეშავარში მდებარე ერთ-ერთ მეჩეთში აფეთქების შედეგად დაღუპულთა რიცხვი 87-მდე გაიზარდა. აღნიშნულ ინფორმაციას BBC ავრცელებს.

როგორც მედია წერს, ამ დროისთვის კლინიკებში 100-ზე მეტი დაშავებულია გადაყვანილი, შემთხვევის ადგილზე კი, სამძებრო-სამაშველო ღონისძიებები გრძელდება.

პრემიერ-მინისტრმა, შეჰბაზ შარიფმა დაგმო მომხდარი და ქვეყანაში გლოვა გამოაცხადა.

„ტერორისტებს სურთ, შეაშინონ ისინი, ვინც პაკისტანს იცავს", - განაცხადა შარიფმა.

შეგახსენებთ, რომ ქალაქ ფეშავარში მდებარე ერთ-ერთ მეჩეთში აფეთქება გუშინ, 30 იანვარს მოხდა.

ქვეყნის სპეცსამსახურების ინფორმაციით, მეჩეთში ლოცვის დროს თავი, სავარაუდოდ, თვითმკვლელმა ტერორისტმა აიფეთქა. პაკისტანის "თალიბანმა" ფეშავარში მომხდარ თავდასხმასთან კავშირი უარყო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,