2023-01-13 17:01:57, 1631 ნახვა
ომი უკრაინაში
უკრაინა სოლედარის დაკავების შესახებ რუსეთის ინფორმაციას უარყოფს
უკრაინის შეიარაღებული ძალები სოლედარის დაკავების შესახებ რუსეთის თავდაცვის სამინისტროს მიერ გავრცელებულ ინფორმაციას უარყოფს.
როგორც უკრაინის შეიარაღებული ძალების აღმოსავლეთ ჯგუფის სპიკერმა, სერხი ჩერევატიმ RBC-Ukraine-ს განუცხადა, რუსეთს სოლედარი არ დაუპყრია.
"რუსეთის ჯარებმა არ დაიპყრეს სოლედარი. მათი განცხადებები ქალაქის სავარაუდო „აღების“ შესახებ რეალობას არ შეესაბამება", - ამბობს ჩერევატი.
ცნობისთვის, რუსეთის თავდაცვის სამინისტრო აცხადებს, რომ დონეცკის ოლქის ქალაქი სოლედარი მათი კონტროლის ქვეშ იმყოფება. უწყება აზუსტებს, რომ ქალაქი რუსეთის შეიარაღებულმა ძალებმა 12 იანვარს დაიპყრეს.
ავტორი: ექსპრესნიუსი,
epn.ge (@expressnews.ge)
