თავისუფლების მოედანზე პუშკინის სკვერის რეაბილიტაცია დასრულდა. განახლებული სკვერი დედაქალაქის მერმა კახა კალაძემ მერის მოადგილე ანდრია ბასილაიასთან ერთად დაათვალიერა.

„დავამთავრეთ პუშკინის სკვერის რეაბილიტაცია, რომელიც მთლიანად მოწესრიგდა და შესაძლებლობების ფარგლებში  გაფართოვდა. გარდა ამისა, დაირგო ხე-მცენარეები; რეაბილიტირდა გარე განათება, ისე, რომ შეინარჩუნა პირვანდელი სახე; განთავსდა ახალი საპარკე ინფრასტრუქტურა. შადრევანიც განახლებულია და გაზაფხულიდან, რა თქმა უნდა, ჩაირთვება“, - განაცხადა კახა კალაძემ.

ტერიტორიაზე დამატებით მოეწყო  გამწვანებული სივრცეები და შეიცვალა გამწვანებული თარგების გეგმარება, გარდა ამისა, რეაბილიტირდა პუშკინის ბიუსტის კვარცხლბეკი. 

სამუშაოების ფარგლებში, განახლდა საფეხმავლო ბილიკები, განთავსდა ახალი საპარკე ინვენტარი, რეაბილიტირდა გარე განათება და დამატებით დამონტაჟდა ვიდეომეთვალყურეობის სისტემა.   

თარგებში ჩატარდა გამწვანების ღონისძიებები: ტერიტორიაზე შევიდა 656 კუბური მეტრი ნოყიერი მიწის ნაზავი, დაირგო 758 ძირი სხვადასხვა სახეობის მწვანე ნარგავები, მოეწყო სარწყავი სისტემა და 890 კვადრატულ მეტრ ფართობზე დაიგო ბალახის საფარი. 

სკვერის სამშენებლო სამუშაოები 1 400 800 ლარი დაჯდა, ხოლო ძეგლის კვარცხლბეკის რეაბილიტაციის ღირებულება 2397  ლარია. 

ადგილზე ასევე იმყოფებოდნენ მთაწმინდის რაიონის გამგებელი დავით კირკიტაძე და თბილისის საკრებულოს მაჟორიტარი დეპუტატი ზურაბ აბაშიძე.

ავტორი: NS (სტატია დაფინანსებულია),

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ