მათ იციან, რომ ხვალ მიხეილ სააკაშვილის ხილვა - მათ ნარატივსა და სიცრუეს დააყენებს ყირაზე, მათ იციან რომ საზოგადოებას ექნება სწორი რეაქცია, - ასე ეხმაურება ნაციონალური მოძრაობის თავმჯდომარე ნიკა მელია იუსტიციის მინისტრის რატი ბრეგაძის მიერ გაკეთებულ განცხადებას მიხეილ სააკაშვილთან დაკავშირებით.

მისივე თქმით,სიმართლე გაიგო მსოფლიომ და ქართული ოცნება ვეღარ შეძლებს სიმართლის დამალვას. მან დასძინა,რომ რატი ბრეგაძე არის უკანონობის დამკანონებელი და მისთვის არ არსებობს საზოგადოებრივი ინტერესი,მისი ინტერესის წყარო მხოლოდ ოლიგარქია.

"ხვალ, ქართულ და საერთაშორისო საზოგადოებას ექნება საშუალება, უკანასკნელი 7 თვის განმავლობაში პირველად იხილოს და მოუსმინოს საქართველოს მესამე პრეზიდენტს.

მიხეილ სააკაშვილისა და მისი დაცვის მხარე, ხანგრძლივი პერიოდის განმავლობაში ამტკიცებდა, რომ კლინიკაში მისი მდგომარეობა ნაცვლად გაუმჯობესებისა, უარესდება.

ითხოვდა მასთან ექიმებისა და ექსპერტების დაშვებას და ხვდებოდა ამ გზაზე წინააღმდეგობას, თუმცა ექსპერტიზა განხორციელდა - სიმართლე გაიგო მსოფლიომ და სიმართლეს ვეღარც ქართული ოცნება მალავს

მათ იციან, რომ ხვალ მიხეილ სააკაშვილის ხილვა - მათ ნარატივსა და სიცრუეს დააყენებს ყირაზე, მათ იციან რომ საზოგადოებას ექნება სწორი რეაქცია.

სწორედ ამიტომ, 1 საათის წინ გამოდის არაერთი სიცრუისა და უკანონობის დამკანონებელი ე.წ. იუსტიციის მინისტრი და აცხადებს, რომ “მაღალი საზოგადოებრივი ინტერესიდან გამომდინარე“, როგორც წინა ჯერზე, ახლაც მოხდება გარკვეული კადრების გასაჯაროება, სადაც ჩანს, რომ მიხეილ სააკაშვილი "სიმულირებს", ხელს უშლის სამართალწარმოებას და ხელს უშლის მკურნალობას.

მისთვის მაღალი საზოგადოებრივი ინტერესი, არის ოლიგარქის ინტერესი - არ არსებობს მისთვის სხვა საზოგადოება!

თუმცა ამასთანავე უკვე ხვდება, რომ ქართულ საზოგადოებას სწორი რეაქცია ექნება!" - განაცხადა მელიამ

ავტორი: ექსპრესნიუსი,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება