არავინ არ იცის სააკაშვილის ბედთან დაკავშირებით, ივანიშვილის თავში რა მოიხარშება, მიიღებს თუ არა გადაწყვეტილებას, რომ ჯანმრთელობის თვალსაზრისით არ გარისკოს, თუ გააგრძელებს ძალის დემონსტრირებას, - ამის შესახებ „ევროპული საქართველოს“ თავმჯდომარემ, გიგა ბოკერიამ განაცხადა.

ბოკერიას თქმით, ბიძინა ივანიშვილი მიხეილ სააკაშვილის ჯანმრთელობის საკითხის ირგვლივ შექმნილ ვითარებას ოპოზიციის დემორალიზაციისთვის იყენებს, რასაც თავად "ნაციონალური მოძრაობაც" უწყობს ხელს. 

„მე არ ვიცი და ჩემი აზრით, არავინ არ იცის ივანიშვილის თავში ამ საკითხზე სააკაშვილის ბედთან დაკავშირებით რა გადაწყვეტილება მოიხარშება, მიიღებს თუ არა იმ გადაწყვეტილებას, რომ საფრთხის წინაშე ჯანმრთელობის თვალსაზრისით არ გარისკოს, თუ გააგრძელებს ძალის დემონსტრირებას და ამ მეთოდით ზოგადად მისი ოპოზიციის მთლიანად დემორალიზაციას. 

ფაქტია, რომ ის ამ ვითარებას სწორედ ამისთვის იყენებს და სამწუხაროდ ოპოზიციის ნაწილიც, საპარლამენტო ოპოზიცია და ნაციონალური მოძრაობა თვითონ უწყობენ ხელს.

მე ვიცი ის, რომ იმის იმედად ყოფნა, რომ დღევანდელ ვითარებაში დასავლეთთან დაპირისპირებაში მყოფი ივანიშვილის რეჟიმი ამ ნაბიჯს გადადგამს, არის არასერიოზული და არასწორი. მთელი ფოკუსი უნდა იყოს საზოგადოების მობილიზებაზე, რომ ეს რეჟიმი იქნას შეცვლილი, ეს არის გამოსავალი ზოგადად პოლიტიკური დევნის წინააღმდეგ, მათ შორის, სააკაშვილის ბედთან დაკავშირებითაც“ - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება