2022-12-01 14:24:26, 925 ნახვა
საზოგადოება
სიღნაღში ავტოსაგზაო შემთხვევის შედეგად კულტურული მემკვიდრეობის ძეგლი დაზიანდა
სიღნაღში, ავტოსაგზაო შემთხვევის შედეგად თაღი დაზიანდა. შემთხვევა გვიან ღამით მოხდა. ამის შესახებ ინფორმაციას სიღნაღის მუნიციპალიტეტი ავრცელებს.
უწყების ცნობით, ადგილზე მთელი ღამის განმავლობაში მუშაობდნენ შინაგან საქმეთა სამინისტროს წარმომადგენლები.
"სიღნაღის თაღი ეროვნული მნიშვნელობის კულტურული მემკვიდრეობის ძეგლია, რომლის აღდგენა ყველა შესაბამისი უწყების კოორდინირებული მუშაობით, უახლოეს პერიოდში გახდება შესაძლებელი.
ტერიტორიაზე ამ დრომდე რჩებიან ადგილობრივი ხელისუფლების და კულტურული მემკვიდრეობის დაცვის ეროვნული სააგენტოს წარმომადგენლები",- ნათქვამია განცხადებაში.
ავტორი: ექსპრესნიუსი,
epn.ge (@expressnews.ge)
