“გირჩის” დეპუტატმა, ვახტანგ მეგრელიშვილმაც განაცხადა, რომ სურს  საკუთარი კანდიდატურა წამოაყენოს "ნაციონალური მოძრაობის" თავმჯდომარის პოსტის დასაკავებლად. იმდენს იზამს ეს ხალხი, რომ ისე გავბრაზდები, ავდგები და ჩემს კანდიდატურას წამოვაყენებ ”ქართული ოცნების” თავმჯდომარეობაზე, - ამის შესახებ "ერთიანი ნაციონალური მოძრაობის" წევრმა, რომან გოცირიძემ სოციალურ ქსელში დაწერა.

გოცირიძის განცხადებით, აღნიშნული ნაბიჯით ქვეყანაში "ოლიგარქიას მოსპობდა" და "ეროვნული თანხმობის მთავრობას" შექმნიდა.

"ამით ხომ ნამდვილად ეშველებოდა ქვეყანას, ოლიგარქობაც მოისპობოდა  და ეროვნული თანხმობის მთავრობასაც შევქმნიდი "ნაციონალურ მოძრაობასთან" ერთად. არც პატარა პარტიებს დავტოვებდი ნაწყენი. ბატონ ვახტან მეგრელიშვილს სულაც ვიცე-პრემიერად დავნიშნავდი, როგორც რადიკალური ცვლილებების ინსპირატორს. აბა, რომ არ გავბრაზებულიყავი, ხომ ვერ მოვაჯდებოდი “ქართულ ოცნებას”?  წინა გამბრაზებლებსაც მიუძღვით თავიანთი წვლილი, რა თქმა უნდა, მაგრამ გადამწყვეტი მაინც ბოლო წვეთია, სავსე ფიალიდან წყალი რომ გადმოიღვაროს. ამ ჭიქით (ჩაის მივირთმევ) იმ ერთ წვეთს გაუმარჯოს, რევოლუციას რომ მისცემს ბიძგს!" - წერს გოცირიძე "ფეისბუქის" საკუთარ გვერდზე.

ცნობისთვის, "გირჩის" დეპუტატმა, ვახტანგ მეგრელიშვილმა განაცხადა, რომ „ნაციონალური მოძრაობის“ თავმჯდომარეობა სურს. 

"წარვდგებოდი გეგმით, რომლითაც ეს პარტია ბევრად ეფექტური იქნებოდა", - ამბობს მეგრელიშვილი.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე