მამაკაცი, რომელმაც თერჯოლაში ყოფილი მეუღლე ცოცხლად დაწვა,  ქუთაისის დამწვრობის ცენტრშია გადაყვანილი და მისი მდგომარეობა მძიმეა. 

როგორც კლინიკა "იმერმედის" დირექტორმა, დავით სარიშვილმა განაცხადა, ბრალდებულს სასუნთქი გზების 70% აქვს დამწვარი და მართვით სუნთქვაზე იმყოფება. 

"პაციენტი მოყვანილი იქნა 20:20 საათზე, საღამოს. თავიდანვე იყო ძალიან მძიმე მდგომარეობა, დაახლოებით 70% ფარგლებში დამწვრობა სასუნთქი გზების. უტარდება ყველა ღონისძიება. მოთავსდა რეანიმაციულ განყოფილებაში, გადაყვანილ იქნა მართვით სუნთქვაზე, შემდეგ ოჯახის წევრების მოთხოვნით და სურვილით, გადაყვანილი იქნა დილის 5 საათზე ქუთაისში დამწვრობის ცენტრში. მდგომარეობა, რა თქმა უნდა, უკიდურესად მძიმეა", - ამბობს ექიმი. 

შეგახსენებთ, რომ შემთხვევა გუშინ, თერჯოლაში მოხდა. მამაკაცმა მაღაზიაში სამუშაოდ მყოფ ყოფილ მეუღლეს ბენზინი შეასხა და ცეცხლი წაუკიდა. მიღებული დაზიანებების შედეგად, ქალი გარდაიცვალა.

შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის 11 პრიმა 109-ე მუხლით დაიწყო. 

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს