2022-11-23 17:08:08, 1224 ნახვა
მსოფლიო
პუტინი ერევანში, ОДКБ-ს სამიტზე დასასწრებად ჩავიდა
რუსეთის პრეზიდენტი, ვლადიმერ პუტინი კოლექტიური უსაფრთხოების შეთანხმების ორგანიზაციის (ОДКБ) სამიტზე დასასწრებად სომხეთში ჩავიდა. აღნიშნულ ინფორმაციას "რია ნოვოსტი" ავრცელებს.
გამოცემის ცნობით, რუსეთის პრეზიდენტს აეროპორტში სომხეთის პრემიერ-მინისტრი, ნიკოლ ფაშინიანი დახვდა.
"ისინი ერთმანეთს თბილად მიესალმნენ და სამიტისკენ იმავე მანქანით წავიდნენ, რომელსაც პუტინი იყენებს", - წერს მედია.
აღსანიშნავია, რომ ყარაბაღის მეორე ომის დაწყების შემდეგ, ეს პუტინის პირველი ვიზიტია სომხეთში.
ცნობისთვის, ОДКБ-ს კოლექტიური უსაფრთხოების საბჭოს სხდომა სომხეთის დედაქალაქში დღეს, 23 ნოემბერს იმართება.
ავტორი: ექსპრესნიუსი,
epn.ge (@expressnews.ge)
