ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ, კორეაში, „დაბალი შობადობის და მოსახლეობის დაბერების“ შესახებ მე-6 გლობალურ სიმპოზიუმში მიიღო მონაწილეობა. ღონისძიების მიზანი მსოფლიოში არსებული დემოგრაფიული პრობლემებისა და მათი გადაჭრის გზების განხილვაა. 

ჯანდაცვის სამინისტროს ცნობით, მოსახლეობის დაბერების თემაზე პანელურ დისკუსიის ერთ-ერთი სპიკერი თამილა ბარკალაია იყო. მინისტრის მოადგილემ, საქართველოში, ამ კუთხით არსებულ გამოწვევებსა და მათ დასაძლევად დაგეგმილ ნაბიჯებზე ისაუბრა. 

„მოსახლეობის დაბერების საკითხს ახლავს ისეთი გამოწვევები, როგორიც არის მაგალითად, ზრუნვის სერვისებისადმი მისაწვდომობის უზრუნველყოფა. თუმცა, ხანდაზმულთა მზარდი რაოდენობა, შესაძლოა, გახდეს შესაძლებლობაც, თუ ხელს შევუწყობთ აქტიურ და ჯანმრთელ დაბერებას, ხანდაზმულთა მონაწილეობას ეკონომიკურ და სოციალურ ცხოვრებაში. დაბერების სწორი პოლიტიკის განსახორციელებლად, მთავრობა ეროვნულ სამოქმედო გეგმას შეიმუშავებს“, - განაცხადა თამილა ბარკალაიამ.

სიმპოზიუმი, სეულში, გაერთიანებული ერების მოსახლეობის ფონდისა (UNFPA) და კორეის რესპუბლიკის მთავრობის ორგანიზებით გაიმართა. 3-დღიან ღონისძიებაში მსოფლიოს სხვადასხვა ქვეყნის პარლამენტის წევრები, მინისტრები, პოლიტიკის შემქმნელები, გაეროს, აკადემიური წრეებისა და და სამოქალაქო საზოგადოების წარმომადგენლები მონაწილეობდნენ. 

დელეგატებმა დემოგრაფიულ პოლიტიკაზე, ამ კუთხით არსებულ პრობლემებზე, რეპროდუქციული უფლებებისა და არჩევანის შესახებ იმსჯელეს. 

გაიმართა თემატური პრეზენტაციები, სესიები და მოეწყო პანელური დისკუსიები.

ავტორი: NS (სტატია დაფინანსებულია),

სოციალური ქსელები

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით

TI: „ქართული ოცნების“ დონორებთან დაკავშირებულმა კომპანიებმა 17.7 მილიონი ლარის ღირებულების სამთავრობო კონტრაქტები მიიღეს.

დაპორტირდი სელფიში და მიიღე ყველაფერი ულიმიტო 3 თვე სრულიად უფასოდ