რუსმა ოკუპანტებმა, გასული დღე-ღამის განმავლობაში, უკრაინაში 11 სარაკეტო და 22 საჰაერო დარტყმა განახორციელეს. აღნიშნულ ინფორმაციას უკრაინის შეიარაღებული ძალების გენერალური შტაბი ავრცელებს. 

გენშტაბის ინფორმაციით, ოკუპანტების თავდასხმის ქვეშ 30-ზე მეტი დასახლება მოექცა.

„ბოლო 24 საათის განმავლობაში, მტერმა განახორციელა 11 სარაკეტო და 22 საჰაერო დარტყმა, განხორციელდა 35-ზე მეტი დაბომბვა მრავალჯერადი სარაკეტო სისტემებიდან. დაზარალდა დონეცკის, ლუგანსკის, დნეპროპეტროვსკის, ზაპოროჟიეს, ნიკოლაევის, სუმის და ხერსონის რეგიონების 30-ზე მეტი დასახლება", -  ნათქვამია ანგარიშში.

იმავდროულად, ვითარება ვოლინისა და პოლესის მიმართულებით უცვლელი რჩება. გენერალური შტაბი აღნიშნავს, რომ ბელარუსი რუსეთის ფედერაციის შეიარაღებული აგრესიის მხარდაჭერას უკრაინის წინააღმდეგ აგრძელებს.

"მიმდინარეობს რუსულ-ბელარუსული ჯარების ერთობლივი ჯგუფის ფორმირება. ბელარუსის რესპუბლიკის ტერიტორიიდან და საჰაერო სივრციდან მტრის დარტყმის საფრთხე ისევ რჩება", - აღნიშნულია გენშტაბის ანგარიშში.

ავტორი: ექსპრესნიუსი,

სოციალური ქსელები

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან