ბრალდების მხარე სააპელაციო სასამართლოს აღნიშნულ განაჩენს არ ეთანხმება და ჩვენ მას საქართველოს უზენაეს სასამართლოში გავასაჩივრებთ, - ამის შესახებ "მთავარი არხის" გენერალური დირექტორის საქმის პროკურორმა, ზვიად გუბელაძემ განაცხადა გადაწყვეტილების იმ ნაწილზე, რომლის მიხედვითაც, სააპელაციო სასამართლომ პირველი ინსტანციის გადაწყვეტილება გაიზიარა და ნიკა გვარამია გაამართლა. 

როგორც გუბელაძემ მედიის წარმომადგენლებთან საუბრისას აღნიშნა, ბრალდების მხარეს აქვს მოლოდინი, რომ მოპოვებული უტყუარი მტკიცებულებების საფუძველზე, უზენაესი სასამართლო კანონიერ გადაწყვეტილებას მიიღებს.

"სააპელაციო სასამართლოს აღნიშნულ განაჩენს ბრალდების მხარე არ ეთანხმება, ჩვენ კანონით დადგენილ ვადაში გავასაჩივრებთ საქართველოს უზენაეს სასამართლოში, იმის გათვალისწინებით, რომ მოპოვებული გვაქვს უტყუარი მტკიცებულებები, რომლებიც გონივრული ეჭვითა და სტანდარტით ადასტურებს სამივე პირს ჩადენილი აქვს ბრალად წარდგენილი ქმედება და დანაშაული. გვაქვს გონივრული მოლოდინი, რომ უზენაესი სასამართლო მაინც მიიღებს სამართლიან, ობიექტურ და კანონიერ გადაწყვეტილებას და სამივე ხსენებულ პირს დამნაშავედ ცნობს წარდგენილ ბრალდებაში", - თქვა პროკურორმა, ზვიად გუბელაძემ.

აღსანიშნავია, რომ უზენაეს სასამართლოში გადაწყვეტილების გასაჩივრებას დაცვის მხარეც გეგმავს.

შეგახსენებთ, რომ თბილისის სააპელაციო სასამართლომ "მთავარი არხის" გენერალური დირექტორი, ნიკა გვარამია დღეს პატიმრობაში დატოვა და სასჯელიც დაუმძიმა.

უფრო კონკრეტულად კი, სასამართლომ ძალაში დატოვა პირველი ინსტანციის გადაწყვეტილება ე.წ. ავტომობილის ეპიზოდთან დაკავშირებით, რომელიც 3 წლითა და 6 თვით პატიმრობას გულისხმობდა. ბრალის მეორე ნაწილში სასამართლომ პროკურატურის პოზიცია გაიზიარა და გვარამიას ბრალი დაუმძიმა კომპანიისთვის ზიანის მიყენების ნაწილში - სასამართლომ 50 000-ლარიანი ჯარიმა პატიმრობით შეცვალა.

რაც შეეხება მესამე ნაწილს, რომელიც გულისხმობს მოსყიდვას იმ პირის მიერ, რომელიც ორგანიზაციაში ახორციელებს ხელმძღვანელობით, წარმომადგენლობით ან სხვა სპეციალურ უფლებამოსილებას და უკანონო შემოსავლის ლეგალიზაცია (ფულის გათეთრება), რასაც თან ახლდა განსაკუთრებით დიდი ოდენობით შემოსავლის მიღება, სასამართლომ აქაც პირველი ინსტანციის გადაწყვეტილება გაიზიარა და ნიკა გვარამია გაამართლა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან