ჩემი სახელის სპეკულირებით ხდებოდა სასამართლო სისტემის სახელის შებღალვა და მისი დისკრედიტაცია, - ამის შესახებ სააპელაციო სასამართლოს მოსამართლემ, ლევან მურუსიძემ განაცხადა.

მურუსიძემ ჟურნალისტებთან საუბრისას განმარტა, რატომ გადაწყვიტა იუსტიციის საბჭოს მოსამართლე წევრად საკუთარი კანდიდატურის დაყენება.

"ისინი არ დაკმაყოფილდნენ მხოლოდ ჩემი პიროვნებით და ჩემი პიროვნების გამოყენებით ხდებოდა მთელი სასამართლო სისტემის დისკრედიტაცია, აქედან გამომდინარე, მე გადავწყვიტე, რომ სასამართლოს მოვაშორო ეს ტვირთი. მურუსიძე, როგორც გვარი ხულიგანი, რომელიც განაზოგადეს და დღეს ყველას ჰქვია ხულიგანი, მურუსიძეც საქართველოში დაამკვიდრეს, რომ ეს არის უარყოფითი და თუ ვინმეს გააკრიტიკებდნენ, ის გამოვიდოდა და იტყოდა - ჩემთან რა გინდათ, აგერ, მურუსიძე არის ჩემზე უარესი... შუა საუკუნეებში ცეცხლზე წვავდნენ ერეტიკოსებს და ეს ხდებოდა ქრისტეს სახელით. მე დარწმუნებული ვარ, რომ ვინც ამას აკეთებდა, ქრისტე არ სწამდა რეალურად. დღეს ხდება რა, უბრალოდ მაგათ არ აქვთ ამის საშუალება და 21-ე საუკუნეა, თორემ ცეცხლზე დაგვწვავდნენ ეს არასამთავრობო ორგანიზაციები", - განაცხადა მურუსიძემ.

მისივე თქმით, სასამართლო სისტემას, არსებული დაძაბულობის ფონზე, წახალისება სჭირდება.

"ვინც ჩამოდის ქვეყანაში უცხოელი იქნება თუ შინაური იქნება, როდესაც საუბრობს კლანზე და ასახელებს კონკრეტულად ჩემს სახელს და გვარს, არავინ მოსულა ჩემთან და არ უკითხავს - ბ-ნო ლევან, ეს არასამათავრობო სექტორი, რომელიც თქვენზე იძახის, რომ თქვენ ხართ კლანი და შესაბამისად, პრეტენზიებს გიყენებთ, ამ პრეტენზიებზე რა შეგიძლიათ უპასუხოთ? თუ ვინმე მართლა დახმარებია სასამართლო სისტემას, ერთადერთი ქვეყანა მახსოვს, ეს იყო გერმანია. არა მგონია, სქართველოში ვინმე ჩემზე პროამერიკული ადამიანი იყოს. ადამიანი უნდა წაახალისო. სასამართლო სისტემასაც ამ დაძაბულობის ფონზე, სჭირდება წახალისება. ხომ არ შეიძლება სულ ლანძღვა-გინება იყოს", - აღნიშნა მურუსიძემ.

ცნობისთვის, იუსტიციის უმაღლეს საბჭოში ორი მოსამართლე წევრის ადგილი ვაკანტური გახდა მას შემდეგ, რაც საბჭოს ორმა მოქმედმა წევრმა, გიორგი გოგინაშვილმა და გოჩა აბუსერიძემ კონფერენციას თანამდებობის დატოვების თხოვნით მიმართეს. 

საბჭომ ერთ ვაკანტურ ადგილზე დიმიტრი გვრიტიშვილი დაასახელა, ხოლო მეორე ვაკანტურ ადგილზე ლევან მურუსიძემ საკუთარი კანდიდატურა თავად დააყენა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან