პუტინმა უკრაინის ანექსირებულ რეგიონებში საომარი მდგომარეობა გამოაცხადა

2022-10-19 15:59:03, 1330 ნახვა

მსოფლიო

რუსეთის პრეზიდენტმა, ვლადიმერ პუტინმა უკრაინის ოთხ ანექსირებულ რეგიონში - ხერსონის, ზაპოროჟიეს, დონეცკისა და ლუგანსკის ოლქებში საომარი მდგომარეობა გამოაცხადა.

რუსული სამთავრობო მედიის ცნობით, პუტინმა გადაწყვეტილების შესახებ რუსეთის უშიშროების საბჭოს სხდომაზე განაცხადა.

„შეგახსენებთ, რომ საომარი მდგომარეობა მოქმედებდა დონეცკის, ლუგანკის, ხერსონისა და ზაპოროჟიის რეგიონებში და ახლა ჩვენ გვჭირდება ამ რეჟიმის გაფორმება რუსეთის კანონმდებლობის ფარგლებში. მე ხელი მოვაწერე განკარგულებას საომარი მდგომარეობის შემოღების შესახებ“, - განაცხადა პრეზიდენტმა.

მისი თქმით, აღნიშნულ რეგიონებში ტერიტორიული თავდაცვის შტაბები შეიქმნება. მარიონეტული რეჟიმების ხელმძღვანელებს კი, უსაფრთხოების უზრუნველსაყოფად, დამატებითი უფლებამოსილებები მიენიჭებათ.