უკრაინის პრეზიდენტის ოფისში მსჯელობენ იმის შესახებ, თუ რა სანქციების შეიძლება დააწესოს ევროკავშირმა რუსეთის წინააღმდეგ მეცხრე პაკეტში.

როგორც ზელენსკის უწყების უფროსის მოადგილემ, იგორ ჟოვქვამ განაცხადა, "იქნება ისეთი რამ, რაც წინა პაკეტებში არ იყო შეტანილი". 

"იქნება ისეთი რამ, რაც წინა პაკეტებში არ იყო შეტანილი. მაგალითად, ზოგიერთი რუსული და ბელორუსული ბანკი ჯერ კიდევ არ არის გათიშული SWIFT-დან, განსაკუთრებით, მაგალითად, გაზპრომბანკი. ან, მაგალითად, ფასის ლიმიტი  ნავთობისთვის. ასევე, წინა პაკეტებში ჯერ არ იყო შეზღუდვები რუსულ გაზზე“, - განაცხადა მან.

გარდა ამისა, მისი თქმით, ჯერ კიდევ არ არის აკრძალული რუსული გემების ევროპულ პორტებში შესვლა, რაც ძალიან მნიშვნელოვანია.

ასევე, ევროპის ქვეყნებში რუსებს შესვლის შესაძლებლობის ჩამორთმევა, ანუ ვიზების გაცემა მთლიანად ყველა კატეგორიისთვის - ეს ასევე არ შედიოდა წინა პაკეტებში.

ჟოვქვამ აღნიშნა, რომ სანქციების პაკეტების საბოლოო წინადადებებს ევროკომისიას შესთავაზებს.

„დარწმუნებულები ვართ, რომ შემდეგი პაკეტი უფრო ძლიერი იქნება“, - დასძინა მან.

OP-ის წარმომადგენელმა განაცხადა, რომ მუშაობა ასევე მიმდინარეობს ბელარუსის რესპუბლიკის წინააღმდეგ სანქციებზე.

შეგახსენებთ, რომ 6 ოქტომბერს ევროკავშირმა რუსეთის წინააღმდეგ სანქციების მერვე პაკეტი დაამტკიცა .

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს