რუსეთის პრეზიდენტმა, ვლადიმერ პუტინმა ხელი მოაწერა კანონებს, რომლებიც ადასტურებს რუსეთის ფედერაციის მიერ ოკუპირებული უკრაინის დონეცკის, ლუგანსკის, ზაპორიჟიესა და ხერსონის ანექსიას. აღნიშნულის შესახებ ინფორმაციას რუსული სახელმწიფო მედია Tass ავრცელებს.

ის, რომ პუტინი დღეს ხელს მოაწერდა შეთანხმებებს რუსეთის მიერ უკრაინის დროებით ოკუპირებული ტერიტორიების ანექსიის შესახებ, ცნობილი გუშინ გახდა.

მათივე ცნობით, რუსეთის დიქტატორმა საოკუპაციო ხელისუფლების დროებითი„ხელმძღვანელებიც“ დანიშნა: დონეცკში- დენის პუშილინი, ლუგანსკში - ლეონიდ პასეჩნიკი, ხოლო ზაპოროჟიესა და ხერსონში კი ე. წ "გუბერნატორები" ევგენი ბალიცკი იყო და ვოლოდიმირ სალდო.

შეგახსენებთ, რომ 23-დან 27 სექტემბრამდე რუსმა ოკუპანტებმა ხერსონის, ზაპოროჟიეს, დონეცკის და ლუგანსკის ოლქების ოკუპირებულ ტერიტორიებზე უკანონო „რეფერენდუმები“ შედეგების გაყალბებით მოაწყეს.

უკვე 30 სექტემბერს რუსეთის დიქტატორმა, ვლადიმერ პუტინმა უკრაინის ოკუპირებული ტერიტორიების ანექსია გამოაცხადა. 

იმავე დღეს კრემლის ხელმძღვანელმა და მისმა მარიონეტებმა  ანექსიის შესახებ შეთანხმებასმოაწერეს ხელი.

ამასთან, ცოტა ხნის წინ, რუსეთის ფედერაციის საკონსტიტუციო სასამართლომ დაამტკიცა შეთანხმებები, უკრაინის ოკუპირებული ტერიტორიების „რუსეთის ფედერაციაში მიღების“ შესახებ.

ხოლო ორშაბათს, 3 ოქტომბერს, რუსეთის სახელმწიფო დუმამ უკრაინის ოკუპირებული ტერიტორიების უკანონო ანექსიას დაუჭირა მხარი.

ავტორი: ექსპრესნიუსი,

სოციალური ქსელები

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის

ინტერნეტ მემი პროტესტად გადაიქცა: „ტარაკნების პარტიამ“ ნიუ დელიში უვადო საპროტესტო აქცია დაიწყო

კობახიძემ უკრაინელ ბავშვებს უმასპინძლა რომლებმაც მამები ომში დაკარგეს

Axios: ტრამპი აღიარებს, რომ „ანკორიჯის სულისკვეთებას“ ტოვებს