ტელეკომპანია “პოსტვ” -ის ეთერში თავდაცვის სამინისტროს პრიორიტეტებსა და  ჯარისკაცების სოციალურ მდგომარეობაზე საუბრისას, ჯუანშერ ბურჭულაძემ  უწყების საბინაო პოლიტიკასა და უპრეცედენტოდ შეღავათიანი პირობებით სამხედრო მოსამსახურეების  საცხოვრებელი ბინებით დაკმაყოფილების შესახებაც ისაუბრა.

თავდაცვის მინისტრის ინფორმაციით,  მახათას მთაზე „ჯარის ქალაქის“ მშენებლობა დასკვნით ეტაპზეა და  პროექტით გათვალისწინებული 39, 7-სართულიანი კორპუსის მშენებლობა მიმდინარე წლის ბოლომდე დასრულდება: „ეს პროექტი ძალიან წარმატებით განხორციელდა.  ავაშენეთ დაახლოებით 115 000 კვადრატული მეტრის ფართი, ყველაფერი  სწრაფ ტემპში, უმაღლესი ხარისხით შესრულდა.  სამხედროებს ერთ კვადრატულ მეტრში 100 დოლარის გადახდა უწევთ“. 

ჯუანშერ ბურჭულაძე გადაცემაში „პოლიტიკური ინტერვიუ“ წლების განმავლობაში გადაუჭრელ პრობლემას, საცხოვრებელი ბინების საკუთრებაში გადაცემის საკითხსაც შეეხო: „წარმოიდგინეთ, 4000-ზე მეტი ოჯახი ფაქტობრივად ფლობდა ბინებს, თუმცა საკუთრებაში არ ჰქონდათ და   ვერ სარგებლობდნენ ამ ბინებით, ვერ აყალიბებდნენ ამხანაგობებს; შესაბამისად, მუნიციპალიტეტი ვერ შედიოდა, სერვისებით ვერ სარგებლობდნენ, რაც უამრავი პრობლემის გამომწვევი იყო. ჩვენ ეს საკითხი პრემიერ-მინისტრის საქართველოს თავდაცვის მინისტრად მუშაობის პერიოდში მოვაგვარეთ, საკუთრებაში გადავეცით ფართები, აღნიშნული პროექტიც ძალიან წარმატებით მიმდინარეობს“.

ავტორი: NS (სტატია დაფინანსებულია),

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს