ვარკეთილის პირველ მიკრორაიონში, საქართველოს ერთიანობისთვის მებრძოლთა ქუჩაზე, რიგის პარკისა და მიმდებარედ არსებული ერთკილომეტრიანი ბულვარის რეაბილიტაცია დასრულდა.

ამის შესახებ თბილისის მერმა, კახა კალაძემ მუნიციპალიტეტის მთავრობის სხდომაზე ისაუბრა და აღნიშნა, რომ მსგავსი პროექტების განხორციელება ქალაქში არსებული ეკოლოგიური მდგომარეობის გაუმჯობესების მიზნით, მომავალ წლებშიც აქტიურად გაგრძელდება. 

„ჩვენთვის ახალი სკვერების და პარკების მოწყობა, არსებული სკვერების მოწესრიგება და განახლება მნიშვნელოვანია. სამგორის რაიონში კიდევ ერთი რეკრეაციული სივრცე მოწესრიგდა. ვარკეთილის პირველ მიკრორაიონში, საქართველოს  ერთიანობისთვის მებრძოლთა ქუჩაზე, რიგის პარკისა და მიმდებარედ არსებული ერთკილომეტრიანი ბულვარი სრულად რეაბილიტირდა, გამწვანდა და კეთილმოეწყო. რიგის პარკსა და მიმდებარედ არსებულ ბულვარში, რომელთა საერთო ფართობიც შვიდ ჰექტარს შეადგენს, საბავშვო და სპორტული მოედნები, სასმელი წყლის შადრევნები, მოსასვენებელი პავილიონები, საფეხმავლო ბილიკები, ვიდეომეთვალყურეობისა და განათების სისტემები მოეწყო. ცენტრალურ ნაწილში, მედიათეკის მიმდებარედ განთავსდა შადრევანი. ჩატარდა გამწვანებისთვის საჭირო ყველა ღონისძიება. დამატებით, მოეწყო გამწვანებული თარგები, რომლითაც გაიზარდა მწვანე საფარის მოცულობა. გვექნება შესაძლებლობა, მომდევნო დღეების განმავლობაში, მივიდეთ და არსებული სივრცე დავათვალიეროთ“, - განაცხადა კახა კალაძემ. 

მისივე თქმით, დედაქალაქის ყველა რაიონში მწვანე სივრცეების აღდგენა და ახალი პარკების მოწყობა მნიშვნელოვანია. 

„ეკოლოგიური მდგომარეობის გამოსწორება არის ერთ-ერთი ყველაზე მნიშვნელოვანი, რადგან ეს ყველაფერი აისახება ჩვენს ჯანმრთელობაზე, ჩვენი შვილების მომავალზე. დედაქალაქის მერია მომდევნო წლების განმავლობაში, მსგავსი პროექტების განხორციელებას აქტიურად განაგრძობს“, - აღნიშნა თბილისის მერმა.

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა