რუსულმა პარტიამ „სამართლიანი რუსეთი - სიმართლისთვის“ მოამზადა კანონპროექტი, რომელიც უკრაინის სავარაუდო „ტერორისტულ სახელმწიფოდ“ აღიარებას სთავაზობს,- ამის შესახებ ინფორმაციას „რია ნოვოსტი“ ავრცელებს.

სააგენტოს ცნობით, დოკუმენტი განსაზღვრავს სახელმწიფოების ტერორისტად და ტერორიზმის დამფინანსებლად აღიარების პროცედურას. 

კანონპროექტში ასევე აღნიშნულია, რომ უკრაინა ვითომდა „ტერორისტულ სახელმწიფოებს“ ეკუთვნის.

გარდა ამისა, რუსეთმა შესაძლოა ტერორიზმის სპონსორად აღიაროს ის ქვეყანა, რომელიც უკრაინას სამხედრო დახმარებას უწევს. ასევე შემოთავაზებულია რუსეთში ასეთი ქვეყნების მოქალაქეების ქონების კონფისკაცია.

შეგახსენებთ, რომ 21 ივლისს, წარმომადგენელთა პალატის სპიკერმა ნენსი პელოსმა მოითხოვა, რომ აშშ-ს სახელმწიფო მდივანს ენტონი ბლინკენს რუსეთი ტერორიზმის სახელმწიფო სპონსორად ეღიარებინა, წინააღმდეგ შემთხვევაში, კონგრესი თავად მიიღებს ასეთ გადაწყვეტილებას.

ამას დაჟინებით მოითხოვს ასევე უკრაინული მხარეც, კერძოდ, პრეზიდენტი ვოლოდიმირ ზელენსკი. 

ზელენსკის თქმით, რუსეთისთვის ასეთი სტატუსი სარაკეტო დარტყმაზე პასუხი უნდა იყოს. ამასთან, ტერორიზმის სპონსორის სტატუსი დამატებით მკაცრ სანქციებს იწვევს.

აღსანიშნავია ასევე, რომ დღეისათვის შეერთებულმა შტატებმა აღნიშნული სტატუსი მხოლოდ ოთხ ქვეყანას - კუბას, სირიას, ირანს და ჩრდილოეთ კორეას მიანიჭა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია