Le Soir - სააკაშვილი მივიწყებული პოლიტიკური პატიმარია დასავლეთში, რომელიც მიატოვა ან უღალატა მისმა ბევრმა ყოფილმა მოკავშირემ

2022-07-18 21:41:19, 1192 ნახვა

პოლიტიკა

არასათანადო მოპყრობისა და სხვადასხვა სახის შიმშილობის გამო დასუსტებული საქართველოს ყოფილი პრეზიდენტი ვეღარ იღებს საკვებს და ვერ ახერხებს სიარულს. - განაცხადა ყველაზე პოპულარულმა ბელგიურმა ჟურნალმა Le Soir-მა საკუთარ სტატიაში.

მათივე თქმით, დღეს ის არის ყველაზე მივიწყებული პოლიტიკური პატიმარი დასავლეთში, რომელიც მიატოვა ან უღალატა მისმა ბევრმა ყოფილმა მოკავშირემ.

""არასათანადო მოპყრობისა და სხვადასხვა სახის შიმშილობის გამო დასუსტებული საქართველოს ყოფილი პრეზიდენტი ვეღარ იღებს საკვებს და ვერ ახერხებს სიარულს. საქართველოს ყოფილი პრეზიდენტი მიხეილ სააკაშვილი ნელ-ნელა კვდება თბილისის საავადმყოფოს დაცულ ნაწილში. მისი ახლობლების თქმით, პატიმრობის დროს არასათანადო მოპყრობისა და რამდენიმე შიმშილობის გამო დასუსტებული სხეული და სული დღითიდღე ჭკნება. მან, რომელსაც დაუსწრებლად მიუსაჯეს ცხრა წლით თავისუფლების აღკვეთა „უფლებამოსილების ბოროტად გამოყენებისთვის“, ბოლო მოუღო თავის დევნილობაში ცხოვრებას უკრაინაში, და საქართველოში დაბრუნდა 2021 წლის 1 ოქტომბერს, რათა კიდევ ერთი წვლილი შეეტანა თავისი ქვეყნის პოლიტიკურ ბედში. ის მაშინვე დააპატიმრეს.
დღეს ის არის ყველაზე მივიწყებული პოლიტიკური პატიმარი დასავლეთში, რომელიც მიატოვა ან უღალატა მისმა ბევრმა ყოფილმა მოკავშირემ. კავკასიის ამ მეამბოხე ბავშვის, დიდი ხნის განმავლობაში ვლადიმერ პუტინის ყველაზე საშინელი მტრის, აქამდე წარმოუდგენელი ბედი, რომელმაც 2004 წლის ვარდების რევოლუციით და გაბედული რეფორმებით მოახერხა საქართველოს პოსტსაბჭოთა ქვეყნიდან დასავლური იმიჯის დემოკრატიულ სახელმწიფოდ გარდაქმნა". - ნათქვამია განცხადებაში.

შეგახსენებთ, რომ ყველაზე პოპულარულმა ბელგიურმა ჟურნალმა Le Soir-მა გამოაქვეყნა სტატია სახელით "თითქმის 10 თვიანი პატიმრობა | სააკაშვილი ნელ-ნელა კვდება".

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,