მოვუწოდებ მედიას, არასამთავრობოებს, ოპოზიციას - ერთად გამოვავლინოთ პოლიტიკურ „აფერისტობაში“ ჩართული სუბიექტები. - განაცხადა ოპოზიციონერმა პოლიტიკოსმა კახა ოქრიაშვილმა.

მისივე თქმით, „გირჩი“ და „მოქალაქეები“ ორივე პარტია „ქართული ოცნების“ პარტნიორია.

"ჩემმა გუშინდელმა განცხადებამ მედიის ყურადღება მიიქცა და „გირჩის“ და „მოქალაქეების“ პარტიის წევრების გაღიზიანება გამოიწვია.  ვადასტურებ - დღესაც მიმაჩნია, რომ ორივე პარტია „ქართული ოცნების“ პარტნიორია. ისინი ერთი ხის სხვადასხვა ტოტები არიან.
რა იყო გაღიზიანების მიზეზი, ვერ გავიგე, რადგან ყველასთვის ყველაფერი ისედაც ნათელია. წლებია, ეს პარტიები „ოცნების“ ყველა მნიშვნელოვან, მათ შორის ქვეყნისთვის საზიანო გადაწყვეტილებებს მხარს უჭერენ - მოხვდნენ პარლამენტში, როგორც „ოცნების“ ოპონენტები და მოხვედრის დღიდან იქცნენ მათ პარტნიორებად. ამ პარტიების წევრები გუშინ სიამაყით აცხადებდნენ, რომ ღიად ვაჭრობენ „ოცნებასთან“ ქვეყნისთვის მნიშვნელოვან საკითხებზე. 
ლუსტრაცია დაწყებულია. მომავალ საპარლამენტო არჩევნებში, ფსევდო-ოპოზიციურ პარტიებს და არამხოლოდ ამ ორს, არ უნდა მივცეთ საშუალება, ხმები ოპოზიციურ ელექტორატში მოიპოვონ და შემდეგ სადეპუტატო მანდატები „ოცნებას“ მიჰყიდონ.  
მოვუწოდებ მედიას, არასამთავრობო სექტორს, ოპოზიციურ პარტიებს - ერთად გამოვავლინოთ პოლიტიკურ „აფერისტობაში“ ჩართული სუბიექტები, რათა ქართველი ხალხი, კენჭისყრის წინ არ შევიდეს შეცდომაში, თუ ვინ არის რეალური ოპოზიცია და ვინ - არა! 
P.S. კიდევ უფრო მეტად ვრწმუნდები, რომ ჩვენს ხალხს და ქვეყანას წინ დიდი და ნათელი მომავალი აქვს". - განაცხადა ოქრიაშვილმა.

შეგახსენებთ, რომ გუშინ ოქრიაშვილმა აღნიშნულ პარტიებს ქართული ოცნების სატელიტი უწოდა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის