ბელარუსის მმართველი ალექსანდრ ლუკაშენკო აცხადებს, რომ მან "დიდი ხნის წინ განსაზღვრა" ბელარუსის როლი უკრაინა-რუსეთის ომში. 

3 ივლისს ბელარუსის დამოუკიდებლობის დღისადმი მიძღვნილ ღონისძიებაზე გაკეთებულ განცხადებაში, ლუკაშენკომ ხაზგასმით აღნიშნა, რომ რუსეთის ფედერაციამ და ბელორუსმა დიდი ხნის წინ შექმნეს "შეიარაღებული ძალების ერთიანი ჯგუფი".

„ჩვენ ვართ ერთადერთი ქვეყანა, რომელიც მხარს უჭერს რუსებს ამ ბრძოლაში. ვინც გვსაყვედურობს, არ იცოდით, რომ ყველაზე ახლო ალიანსი გვაქვს რუსეთის ფედერაციასთან? იმ სახელმწიფოსთან, რომლითაც ვაშენებთ ერთიან, ძლიერ, დამოუკიდებელ სახელმწიფოს. - მოკავშირე სახელმწიფო, სადაც კავშირში ორი დამოუკიდებელი ხალხია.და რომ მათ არ იცოდნენ, რომ ჩვენ დიდი ხანია შევქმენით შეიარაღებული ძალების ერთიანი დაჯგუფება ბელორუსისა და რუსეთის კავშირში? ფაქტობრივად, ერთი ჯარი. თქვენ ეს ყველაფერი იცოდით, რატომ გვსაყვედურობთ დღეს? ჩვენ ერთად ვიყავით და ვიქნებით მოძმე რუსეთთან ერთად. „სპეციალურ ოპერაციაში“ ჩვენი მონაწილეობა დიდი ხნის წინ განვსაზღვრე“, - განაცხადა ლუკაშენკომ.

მანვე დასძინა, რომ  „ბელარუსები არ დაუშვებენ, რომ რუსს ზურგში ესროლონ“. 

 შეგახსენებთ, რომ  2 ივლისს ლუკაშენკომ უკრაინის შეიარაღებული ძალები ბელარუსის ტერიტორიაზე რაკეტების გასროლაში დაადანაშაულა .

ავტორი: ექსპრესნიუსი,

სოციალური ქსელები

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა