ბათუმის ჯანდაცვის სამინისტროს ინფორმაციით, სმენის აპარატებით უზრუნველყოფის პროგრამის ბიუჯეტი და ბენეფიციართა რაოდენობა გაიზარდა.

სმენადაქვეითებულ მოქალაქეთა სმენის აპარატებით უზრუნველყოფის პროგრამის ბიუჯეტი 198 900 ლარამდე გაიზარდა, შესაბამისად სერვისით დამატებით 50-მდე ბენეფიციარი ისარგებლებს. ჯამში, წელს პროგრამა 450-მდე სმენადაქვითებულ პირზეა გათვლილი,  უკვე გაცემულია 380 ერთეული სმენის აპარატი. 

პროგრამის მიმდინარეობის პროცესს აჭარის ა.რ. ჯანმრთელობისა და სოციალური დაცვის მინისტრის მოადგილე, ზურაბ თენიეშვილი გაეცნო.

"მოსახლეობის მომართვიანობის გამო სამინისტრომ პროგრამის ბიუჯეტი გაზარდა. წელს პირველად დაიწყო პედიატრიული ციფრული სმენის აპარატების დაფინანსება. პროგრამის მოსარგებლეებს წარმოადგენენ, შშმ პირები (მათ შორის ბავშვები), ნებისმიერი ხარისხის სმენადაქვეითებული ბავშვი, ხანდაზმული (ქალები – 60 წლიდან, მამაკაცები – 65 წლიდან) პირები დიაგნოზით - ორმხრივი თანდაყოლილი ან შეძენილი სიყრუე, ან სმენაჩლუნგობა II-III ხარისხის", - აღნიშნა მინისტრის მოადგილემ.

პროგრამის ფარგელბში სმენის აპარატების მომსახურება ფინანსდება სრულად, არაუმეტეს პროგრამით გათვალისწინებული ტარიფისა: შშმ სტატუსის მძიმე ხარისხის სმენადაქვეითების მქონე ბავშვის/მოსწავლის/სტუდენტისათვის - 1400 ლარით; პედიატრიული ციფრული სმენის აპარატი - 1000 ლარით; სხვა ბენეფიციართათვის - 350 ლარით.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა