უკრაინელებს არ უნდა ურჩიონ „ცუდი მშვიდობით დაკმაყოფილდნენ“, როდესაც მათ შესთავაზებენ დათმონ თავიანთი ტერიტორიის ნაწილი ცეცხლის შეწყვეტის სანაცვლოდ,- აცხადებს ბრიტანეთის პრემიერ მინისტრი ბორის ჯონსონი მსოფლიო ლიდერებთან შეხვედრისას.

პრემიერი  G7-ის სამიტზე და  მადრიდში ნატო -ს შეხვედრაზე გეგმავს გამოაცხადოს უკრაინის შემდგომი დახმარების გეგმა და ასევე მოუწოდოს მოკავშირეებს გააგრძელონ კიევის მხარდაჭერა ბრძოლაში, რომელსაც „პუტინის ბარბაროსობას“ უწოდებს მედიის ინფორმაციით, ჯონსონი გამოაცხადებს დაახლოებით 430 მილიონი ფუნტის გარანტიას მსოფლიო ბანკის კრედიტებისათვის.

"მომავალი თაობები შოკირებული და შთაგონებული იქნებიან ჭეშმარიტად გმირული უკრაინული წინააღმდეგობით პუტინის ბარბაროსობის წინაშე. უკრაინას შეუძლია გაიმარჯვოს და გაიმარჯვებს. მაგრამ ამისათვის მას ჩვენი მხარდაჭერა სჭირდება. ახლა არ არის დანებების დრო", - დასძინა პრემიერმა.

უკრაინის პრეზიდენტი ვოლოდიმირ ზელენსკი ასევე მიმართავს ვიდეო ბმულით G7 ქვეყნებს - დიდ ბრიტანეთს, აშშ-ს, კანადას, იაპონიას, საფრანგეთს, გერმანიას და იტალიას.

დიდი ბრიტანეთის მიერ გაცემული სესხის გარანტიები უკრაინის ეკონომიკური და ჰუმანიტარული დახმარების პაკეტს 1,5 მილიარდ ფუნტამდე გაზრდის. ბორის ჯონსონი ასევე მოუწოდებს დასავლელ მოკავშირეებს სანქციების გამკაცრებისკენ ვლადიმერ პუტინისა და მისი მოკავშირეების წინააღმდეგ.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა