უკრაინას ევროკავშირთან სრული ინტეგრაციის დაწყებამდე ერთი ნაბიჯი აშორებს,- ამის შესახებ უკრაინის პრეზიდეტმა ვოლოდიმირ ზელენსკიმ ვიდეომიმართვაში განაცხადა.

ზელენსკის თქმით, ეს არის ისტორიული მიღწევა ყველასთვის, ვინც მუშაობდა სახელმწიფოსთვის.

„ახლა ჩვენ ერთი ნაბიჯი გვაშორებს ევროკავშირთან სრულფასოვანი ინტეგრაციის დაწყებას. ჩვენ გვაქვს ევროკომისიის დადებითი მოსაზრება უკრაინის კანდიდატურაზე. და ეს არის ისტორიული მიღწევა ყველასთვის, ვინც მუშაობდა ჩვენი სახელმწიფოსთვის. „მჯერა, რომ უკრაინამ ყველაფერი გააკეთა იმისთვის, რომ ეს ნაბიჯიც პოზიტიური ყოფილიყო“,-განაცხადა ზელენსკიმ.

ამასთან პრეზიდენტმა აღნიშნა, რომ უკრაინა იმსახურებდა ამ პოზიტივს.

„უკრაინული ღირებულებები ევროპული ღირებულებებია. უკრაინის ინსტიტუტები ომის დროსაც კი სტაბილურად რჩებიან. უკრაინულმა დემოკრატიულმა ჩვევებმა ჯერაც არ დაკარგა ძალა. ევროკავშირთან ჩვენი დაახლოება მხოლოდ ჩვენთვის არ არის დადებითი. ეს არის უდიდესი წვლილი, ევროპის მომავალისთვის მრავალი წლის განმავლობაში“, - დასძინა პრეზიდეტმა.

შეგახსენებთ, რომ 28 თებერვალს ზელენსკიმ ხელი მოაწერა განცხადებას უკრაინის ევროკავშირში გაწევრიანების შესახებ.

გუშინ 17 ივნისს, ევროკომისიამ გამოაქვეყნა დასკვნა, რომელშიც რეკომენდაცია მისცა, რომ ევროსაბჭომ უკრაინას მიანიჭოს ევროპული პერსპექტივა და ევროკავშირის წევრობის კანდიდატის სტატუსი.ამასთან, ევროკავშირმა განაცხადა, რომ ასეთი სტატუსის მისაღებად უკრაინამ არაერთი მნიშვნელოვანი რეფორმა უნდა განახორციელოს.

ევროსაბჭოს გადაწყვეტილება უკრაინას ევროკავშირის წევრობის კანდიდატის სტატუსის მინიჭების შესახებ 23-24 ივნისს ელიან.

ავტორი: ექსპრესნიუსი,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს