უკრაინამ ერთდროულად იგრძნო ოთხი ძლიერი ევროპული სახელმწიფოს მხარდაჭერა,- ამის შესახებ პრეზიდენტმა ვოლოდიმირ ზელენსკიმ  ვიდეომიმართვაში განაცხადა.

ზელენსკის თქმით, ეს იყო  ისტორიული დღე, ვინდაიდან უკრაინის გვერდით იმყოფებოდა იტალია, რუმინეთი, საფრანგეთი და გერმანია, რომლებიც მხარს უკრაინის კანდიდატურას უჭერენ.

„დღეს მართლაც ისტორიული დღეა - უკრაინამ ერთდროულად იგრძნო ოთხი ძლიერი ევროპული სახელმწიფოს მხარდაჭერა. კერძოდ, ჩვენი მოძრაობის მხარდაჭერა ევროკავშირისკენ. ჩვენთან ერთად არიან იტალია, რუმინეთი, საფრანგეთი და გერმანია. ოთხივე ლიდერი - ბატონი დრაგი, იოჰანისი, მაკრონი და შოლცი მხარს უჭერენ უკრაინის კანდიდატურას“, - განაცხადა ზელენსკიმ.

ამასთან როგორც ზელენსკიმ აღნიშნა, ყველა შესაბამისი პროცედურა უნდა დასრულდეს და ყველა წევრი ქვეყანა უნდა შეუერთდეს ევროკავშირს.

„ჩვენს დღევანდელ შეხვედრაზე გადაიდგა დიდი ნაბიჯი. ჩემთვის მნიშვნელოვანი იყო ლიდერებისგან მომესმინა კიდევ ერთი ფუნდამენტური რამ, რომ ისინი თანხმდებიან, ომის დასრულებას და მშვიდობას უკრაინაში”,- განაცხადა უკრაინის პრეზიდენტმა.

ზელენსკიმ ასევე მადლობა გადაუხადა ლიდერებს უკრაინის მხარდაჭერისთვის.

„მადლობელი ვარ იტალიის პრინციპული პოლიტიკური მხარდაჭერისთვის, მაკროფინანსური და თავდაცვითი დახმარებისთვის. ახლა ჩვენ გვაქვს ისტორიულად საუკეთესო ურთიერთობები - და დარწმუნებული ვარ, რომ ბევრად მეტის გაკეთება შეგვიძლია ჩვენი ხალხებისთვის.

საფრანგეთი უზრუნველყოფს დამატებით "კეისრის" საარტილერიო დანადგარებს. ეს ძალიან მნიშვნელოვანია ჩვენი თავდაცვისთვის. ასევე დღეს პრეზიდენტმა მაკრონმა გულწრფელად ისაუბრა, რომ ევროპული მხარდაჭერა უკრაინისადმი ისეთი უნდა იყოს, რომ მართლაც იგრძნოს, რომ ჩვენ ერთად ვიცავთ იმავე ღირებულებებს, ვიცავთ ევროპას.

გერმანიამ კიდევ ერთხელ დაადასტურა საჰაერო თავდაცვის აღჭურვილობის მიწოდება და შემდგომი მხარდაჭერა”,- დასძინა ზელენკიმ.

შეგახსენებთ, რომ 16 ივნისს უკრაინის მხარდასაჭერად კიევში გერმანიის კანცლერი, ოლაფ შოლცი, საფრანგეთის პრეზიდენტი, ემანუელ მაკრონი და იტალიის პრემიერმინისტრი, მარიო დრაგი ჩავიდნენ. 

ავტორი: ექსპრესნიუსი,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს