საფრანგეთის პრეზიდენტის, ემანუელ მაკრონის თქმით, ევროკავშირში გაწევრიანება "არ შეიძლება ერთადერთი გამოსავალი იყოს" მეზობლად მყოფი სახელმწიფოებისთვის, როგორიცაა უკრაინა, მოლდოვა და საქართველო. 

მისივე თქმით, ევროკავშირის კანდიდატის სტატუსის მინიჭება არის ის, რაც ევროკავშირს „ემართა [მოლდოვას] და რეგიონის მიმართ“.

„მინდა, რომ ჩვენ გავაგზავნოთ მკაფიო და პოზიტიური სიგნალი, მაგრამ ჩვენ უნდა დავამყაროთ ერთსულოვნება ევროკავშირის წევრებს შორის. მე არ ვფიქრობ, რომ ჩვენ შეგვიძლია გამოვყოთ მოლდოვა უკრაინისგან იმ პერსპექტივით, რაც ჩვენ გვაქვს. ევროკავშირში გაწევრიანება არ შეიძლება ერთადერთი გამოსავალი იყოს" მეზობლად მყოფი სახელმწიფოებისთვის, როგორიცაა უკრაინა, მოლდოვა და საქართველო.“, - თქვა მაკრონმა და ისაუბრა მოლდოვის პრეზიდენტთან მაია სანდუსთან ერთად.

მაკრონის თქმით, მნიშვნელოვანია უფრო ფართო ევროპული საზოგადოების ჩამოყალიბება, რომელიც ითანამშრომლებს ისეთ საკითხებზე, როგორიცაა თავდაცვა და უსაფრთხოება და რაც ასევე არ ჩაანაცვლებს გაწევრიანებას.

28 თებერვალს უკრაინის პრეზიდენტმა ევროკავშირში გაწევრიანების განაცხადს მოაწერა ხელი. უკრაინამ განაცხადი ქვეყანაში რუსეთის შეჭრის და სრულმასშტაბიანი ომის ფონზე გააკეთა. უკრაინის შემდეგ ევროკავშირის წევრობის კანდიდატობაზე განაცხადი წარადგინეს საქართველომ და მოლდოვამაც.

სამივე ქვეყანამ ევროკომისიას უკვე გადასცა კანდიდატის სტატუსის თვითშეფასების კითხვარი, რომლის საფუძველზეც ევროკომისიის რეკომენდაცია 17 ივნისს გახდება ცნობილი. ევროკომისიის რეკომენდაცია ევროპულ საბჭოს გადაეცემა და საბჭო შესაბამის გადაწყვეტილებას 23-24 ივნისს მიიღებს.

ევროპარლამენტის პოლიტიკური ჯგუფების ლიდერების საერთო განცხადებაში უკრაინისა და მოლდოვისთვის ევროკავშირის კანდიდატი ქვეყნის სტატუსის მინიჭებაზე საუბრისას საქართველო განცალკევებულად იყო ნახსენები.

ავტორი: ექსპრესნიუსი,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს